Muli kaming bumalik sa aming naudlot na hapunan nang tuluyang makuha ni Sam ang tinidor sa ilalim ng lamesa. Muli akong napatingin kay Leo, tahimik lang itong kumakain. Ngunit hindi pa ako tapos sa aking plano. Gusto kong sagarin ang kapatid kong hilaw. Nais kong malaman kung hanggang saan ang pagtitimpi niya sa akin. Alam kong kaunting-kaunti na lang at sasabog na ito.
Kaya naman muli na naman nagmalikot ang aking siko. Pasimple kong inilapit ang aking mahiwagang siko sa baso na may lamang juice, pagkatapos ay agad ko iyong sinagi papunta sa puwesto ni Leo. Sobrang bilis ng mga pangyayari, pati ang pag-agos ng juice na natapon ay sobrang liksi ring napunta kay kabute.
"Oh! My Gosh! I'm really sorry!" palatak ko sabay tayo mula sa aking kinauupuan. Mabilis din akong kumuha ng tissue pap
