Pinagmasdan ni Faith ang maamo at napakaguwapong mukha ni Vaughn. Tatlong buwan na rin simula nang magsama sila sa bahay nito. At sa loob ng dalawang buwan na iyon, tuluyan ng nahulog si Faith sa binata. At iyon ang ayaw niyang mangyari kaya kailangan na niyang tapusin kung ano ang dapat niyang tapusin.
Tumayo si Faith at saka pinulot ang damit niyang nagkalat sa sahig. Mabagal at maingat siyang naglakad palabas ng kanilang kuwarto. Tinawagan niya ang kaniyang kaibigan na si Cecelia.
"Cecelia... siguro panahon na para iwan ko sa Vaughn. Bukas na bukas, samahan mo ako sa isla kung saan ako titira. Doon na ako mamalagi. Hindi ko alam kung hanggang kailan ako doon pero sinisigurado kong hindi na ako magpapakita pa kay Vaughn..."
"Ha? Sure ka na ba diyan? Baka pagsisihan mo ang gagawin mon
