"Ashton.... baliw na ba ako?" biglang tanong ni Vaughn habang kumakain sila ng tanghalian.
Biglang natawa si Ashton. "Ha? At bakit mo naman naitanong kung baliw ka na ba?"
Humugot ng malalim na paghinga si Vaughn. "Galit ako kay Faith. Galit na galit ako sa ginawa niya sa akin. Pero bakit.... bakit sa tuwing makikita ko siyang lumuluha, nanlalambot ako?"
Hinawakan ni Vaughn ang kaniyang sintido. Pagkatapos ay tumungo siya. Nakatingin lamang siya sa kaniyang paa. Iniisip kung paano niya ba pahihirapan si Faith. Iniisip niya kung paano niya parurusahan si Faith kung saan madudurog ang puso nito.
Kumamot sa kaniyang ulo si Ashton bago tumingin kay Vaughn. Alam niyang mahal na mahal ng kaibigan niya si Faith. Wala nga itong bukambibig kun'di si Faith sa loob ng dalawang taon. Madalas niya
