"Saan ka pupunta?"
"Pupuntahan ko si Vaughn..." mabilis na sagot ni Faith.
Ngumisi si Cecelia. "Pupuntahan? Akala ko ba patatagalin mo muna bago ka makipagkita sa kaniya?"
Tumikhim si Faith. "Wala eh. Nakakaawa. Nagmamakaawa sa akin sa chat at text. Kaya makikipagkita na ako."
"Wow naman! Ang rupok mo talaga kay father! Kaya talagang sure na sure na akong mahal mo na si father!" pang - aasar ni Cecelia.
Inirapan ni Faith ang kaniyang kaibigan. "Tigilan mo nga ako, Cecelia. Hindi ko mahal ang lalaking iyon. At alam mo naman kung ano ang gusto kong mangyari, 'di ba? Ang masira ang buhay niya. At ngayong ako na ang pipiliin niya, sinisigurado kong pagsisisihan niya na ako ang pinili niya. Na dapat nanatili na lang siya sa simbahang iyon."
Ngumisi si Cecelia. "Ikaw nga ang pinili kasi ik
