"Yehey! Ang galing mo na baby ko!" masayang sabi ni Faith habang pinagmamasdang maglakad ang kaniyang anak.
Matibay ang buto ng batang ito at talaga namang maliksi. Tuwang - tuwa si Rosie habang binabantayan ang kaniyang apo. Todo bantay ang kaniyang ginawa dahil ayaw niyang madapa ito.
"Sigurado akong makulit ang batang ito!" nakangiting sabi ni Rosie.
"Oo nga po. Halata naman sa kaniya. Akala mo tatlong taon na kung gumalaw. Napakalikot!" wika ni Faith.
"Kumusta naman ang pamamalagi mo dito?" tanong ni Denver.
Kapitbahay nila ang binatang ito. Kasama ni Denver sa kanilang bahay nag kaniyang ina at high school student na kapatid. Kasama si Denver sa tumulong kay Rosie na ayusin ang gamit nila. At sa unang pagkakataon na makita niya si Faith, nagandahan siya sa dalaga.
"Maayos. Maali
