"I-spray mo ng disinfectant itong kotse, A. Baka may maiwang germs," seryoso ang mukhang utos ni Bernard sa kaibigan, bago sila bumaba ng kotse.
"Bakit po, sir, kailangan pang i-spray ng disinfectant itong kotse ninyo?" inosenteng tanong ni Clara. "Eh, mukha naman pong ang linis-linis at ang bango-bango pa."
"Dahil sa'yo. Baka may dala kang germs," masungit na sagot ni Bernard.
Kailangan niyang labanan ang ano mang kakaibang damdamin na mayroon siya para kay Clara. Dahil alam ni Bernard na kanina pa siya pinagtatawanan ni A. Kaya kailangang ipakita ng binata na hindi siya affected sa dalaga. Kung ayaw niyang buwisitin siya ng kaibigan niya araw-araw.
"Ay, grabe naman kung magbiro si sir!" namimilog ang mga matang tili ni Clara. Nasa mga labi pa rin nito ang ngiti. Kanina pa niya ito na
