"Dito ako matutulog? Ito ang magiging kuwarto ko? As in?" hindi makapaniwalang bulalas ni Clara nang dalhin siya ng boss nila ni A, sa second floor ng mansiyon at sa napakalawak na kuwartong triple yata o higit pa ang laki sa barong-barong nila.
Kanina ngang pumasok sila sa mansiyon ay halos lumuwa na sa pagkalula ang mga mata ni Clara. Manghang-mangha siya sa lawak at laki. Gandang-ganda rin ang dalaga sa ganda ng paligid at mga kagamitan. Hindi niya napigilang hipuin isa-isa ang bawat madaanan ng kaniyang mga mata. Ni sa panaginip ay hindi inakala ni Clara na makakapasok siya sa mala-palasyong bahay na ito. Akala niya noon, hanggang sa TV na lang niya mapapanood ang ganitong klase ng tirahan.
"Bakit? Ayaw mo?" tila naiinis na untag sa kaniya ng lalaki, na nagsasalpukan na naman ang mga
