"Now, let's talk!" buo at maawtoridad ang boses na sabi ni Bernard kay Clara nang makarating sila sa sala. "At utang na loob, Clara, sagutin mo ako nang maayos. This time, hindi ko kailangan ang kapilyahan mo." Tila tensiyonado itong nagcrossed arms. "Ano ang ginagawa mo roon kanina? At paano ka nakarating doon?"
Gusto na niyang maiyak sa kalamigan ng nobyo, at sa galit na nakikita niya sa mga mata nito. Pero pinigilan ni Clara ang sarili.
Dalawang beses siyang lumunok ng laway bago bumuka ang bibig. "P-pumuslit ako sa kotse ni B nang umuwi siya rito kagabi. Narinig ko kasi na ililigtas ninyo si Aarah kaya gusto kong tumulong. Sumakay at nagtago ako sa comparment ng kotse. May nakita akong grasa roon at iyon ang ipinahid ko sa mukha at katawan ko," pagkukuwento niya sa bahagyang pumipiy
