Kahit halos araw-araw na siyang nandito sa garden na ito, hindi pa rin mapigilan ni Clara ang sarili na mamangha. Maraming iba't ibang klase ng halaman sa paligid. Bukod sa cacti at fruit trees, na may nakalagay na pangalan sa bawat puno, marami ring uri ng mg bulaklak katulad ng: bromeliads, bougainvillea, orchids, dahlia, agave at rex-begonia. Ang buong akala ni Clara sa Pilipinas lang makikita ang ibang bulaklak na nakikita niya.
Ang isa pang nakaakit sa paningin ni Clara ay ang malawak na damuhan. Para itong kamukha ng bermuda grass. Green na green ang kulay. Parang ang sarap-sarap magpagulong-gulong. Dati noong bata si Clara, pangarap niya ang ganitong bakuran.
Napangisi siya. Solo naman niya ang garden sa mga oras na 'yon. Ang sabi ni Bernard, wala raw ang mga kaibigan nito. At a
