Pagdating na pagdating nina Bernard sa malawak na parking lot ng Black and White Agave Night Club, ay sumalubong sa kanila ang hile-hilerang magagara at mamahaling sasakyan. Kaniya-kaniya na ring puwesto sa paligid ng night club ang sigurado si Bernard na mga tauhan ng bawat bidders ng gabing iyon. Nakilala rin niya ang mga tauhan ni Lord Raccoon na nagsisiguro ng kaligtasan ng paligid.
Sa ganitong mundo lang masasabi ni Bernard na kahit papaano ay nailalabas niya ang totoong siya. Nakakausap siya nang matino at nakakangiti sa halos lahat. Bukod lang sa totoo niyang personalidad na kailangan niyang itago sa iba para sa kaniyang seguridad.
"Pakisabi sa mga tauhan natin na tulungan sa pagbabantay dito sa labas ang mga tao ni Lord Raccoon," aniya kay A. "Tapos, kayong lima ang sasama sa'k
