DAHLIA'S POV
❦❦❦
Pagpasok pa lang namin sa bayan nila ay tumambad na sa'min ang masigla at mayamang pamayanan, madaming loki sa daan at mga paninda dito, marami ring iba't ibang pamilihan at mga tindahan, higit sa lahat ay marami ditong malalaking tore na pawang may umiikot na bulaklak sa taas, hindi ko alam kung ano ang tawag sa bagay na iyon ngunit hindi ko mapigilan mamangha sa mga ito.
Kinalbit ko si Keegan habang naglalakad kaming dalawa at tinuro ang bagay na iyon na parang malaking bulaklak na nagbibigay nang malakas at preskong hangin dito sa lugar.
"Keegan tingin mo ano 'yun?" tanong ko sa kaniya at tumingin sa direksyon na tinuturo ko.
"Ah 'yung mulino?" tanong niya at kumunot ang noo ko sa pagtataka, ngayon ko lang na rinig ang salitang iyon at hindi ko talaga alam kung ano
