Nakaalis na si Hendrick nang magising siya kinabukasan. Ayon kay Aling Ester, nagbilin ito na babalik ito in time for the party.
"Siyanga pala, darating mamayang tanghali ang mga tao ng catering para ayusan ang harapang bakuran para sa party mamaya," ayon pa rito habang naghahain ng almusal. "Kinuha ni Sir ang mga taong dati nang nagke- cater dito noon kapag may party kaya pamilyar na ang mga iyon sa pasikut-sikot dito."
Ang mga trabahador ay off for the day kaya walang maririnig na bumabagsak na martilyo o ingay sa likod- bahay. Sinisimulan na ring hukayin ang oval-shaped na swimming pool. Nang mahawan na nang tuluyan ang mga damo sa likod, nahantad kung gaano kalaki ang property at may matitira pa rin para daw sa isang maliit na orchard at tennis court, ayon sa landscape artist. Sa bah
