Umiling ito. "Hindi na niya ako mahal. Akala mo lang 'yon. Ni hindi niya ako gustong kausapin."
"Mahal ka niya. Nakausap ko siya no'ng isang linggo at sinabi niya sa aking mahal ka niya."
Nag-angat ito ng mukha. Kitang-kita niya sa mukha nito ang hindi pagkapaniwala. "Sinabi niyang mahal niya ako?"
Tumango siya. "Oo. Pero sinabi rin niyang kung pagkatapos ng kasal namin ni Hendrick ay maghahabol ka pa rin sa kanya, wala na siyang ibang choice kundi palayain ka. Hindi rin lang kayo magiging masaya kung magpapatuloy ang inyong pagsasama."
Umungol ito, waring kuting na nasaktan. "Ayoko! Hindi ako papayag!"
"Kung gano'n, ayusin mo ang sarili mo," wika niya. Tiningnan nito ang sarili. "My God, I look terrible! I smell terrible! S-samahan mo ako sa cottage, please. I need to take a bath. I
