"Sinabi mo ba 'yan sa kanya?" tanong ni Jhaz, ang kanyang mga mata'y may bahid ng pagkabahala.
"Hindi pa," sagot niya, iniwasan ang kanyang tingin.
"Alam ba niyang mahal mo siya?" tanong ni Jhaz, muling nagpupumilit ng sagot.
Umiling siya, nag-aalangan. "H-hindi... hindi rin."
Napabuntong-hininga si Jhaz at pumalatak. "Sa tingin ko, alam na niya."
Napatitig siya kay Jhaz naguguluhan. "Paano mo nasabi 'yan?"
Pinandilatan siya ng kaibigan ng mga mata. "Obvious kaya!”
Napalunok siya. "You think so?"
Sunud-sunod itong tumango.
Nahihiyang nagyuko siya ng ulo at wala sa loob na tinusuk-tusok ng tinidor ang egg pie.
"You can tell me. Makikinig ako."
Tinitigan niya ito. "All right, I'll tell you." Nagsimula siyang magkuwento rito. Hindi ito sumabad, nakikinig lang ito hanggang sa matap
