"MAJOR---"
"Huwag kayong maingay, guys. Pilitin ninyong makatakas sa lugar na ito upang makahingi ng tulong sa kampo." Nanunuot man ang sakit ng balakang dahil sa daplis ng bala ngunit kinaya pa rin ni Art Dos ang nagwika.
"Hindi ka namin iiwan dito, Major. Sama-sama tayong nasadlak sa giyerang ito kaya't sabay-sabay din tayong lumaban. Kung ubusan man ng lahi ang gusto nila ay gagawin natin." Mariing pagtutol ng isa niyang tauhan.
"Pero mauubos tayo kapag ayaw nin---"
"Boss, ilang taon na ba kaming lahat sa iyo? Sa akala mo ba ay may susunod sa nais mo samantalang buhay mo ang nakataya? Kasuhan mo man kami ng insubordination ay walang kaso iyon. Tama, maaring maubos tayong lahat dahil sa pagtutol namin. Pero mas maganda iyong sabay-sabay tayong lalaban at makaalis dito. At mas magand
