Kabanata 27
NAGHARI ang katahimikan sa pagitan nila ng lalaki, hanggang sa napatingin siya sa may gilid nang may narinig siyang nagbebenta ng ice cream.
“Gusto mo?”
Napasulyap siya kay Diablo nang marinig niya ang boses nito, akala niya’y hindi na ito magsasalita.
“Masarap ang ice cream dito lalo na ang avocado flavor,” dagdag ng lalaki nang hindi siya umiimik.
“Talaga?” tanong niya. Hindi niya din naman nanaisin na mailang na naman sila sa isa’t-isa kaya’t sasakyan niya na lang ang lalaki.
“Oo naman kailan pa ako nagsinungaling sa iyo lalo na pagdating sa pagkain,” nakangiting sabi ng lalaki.
Napatango-tango siya. “Sabagay,” aniya at napangiti bahagya. Nakahinga din siya ng maluwag dahil nawala na ang pagkailang sa pagitan nila.
“Teka dito ka lang, bibilhan kita,” sabi ni Diablo
