Kabanata 11
HINDI alam ni Marie kung matutuwa ba siya o maiinis sa narinig. Hindi raw siya makakabayahe dahil may bagyo at delikado magpatuloy. Bukas pa daw sila maari makaalis.
“Pasensya ka na, Marie, ‘a. Mukhang ma-d-delay na naman tayo, loko kasing bagyo bakit ngayon pa dumating," giit ni Maica.
Napabuntonghininga siya. Excited pa naman sana siyang gumala na sa probinsya nila Maica, at mas lalo nanabik na siyang maligo sa dagat.
“Hayy ano pa ba magagawa natin kundi manatili dito kasya naman madisgrasya tayo sa daan," aniya at humigop na lang sabaw.
Napapikit siya ang sarap kasi ng sabaw ng bulalo na binili nila. Nasa loob sila ng restaurant ng mga sandaling iyon.
“Ganito na lang, bakit hindi muna tayo maglibot-libot sa may facilities ng hotel. Balita ko ay may casino sila dito
