PINAGMASDAN munang mabuti ni Yzel ang sarili sa harap ng salamin. Day-off niya ng araw na iyon at iyon din ang araw na magkikita sila ni Triv Sauler. Nasa Sauler Hotel siya ng mga sandaling iyon. Bago magtungo sa mismong pag-aaring suite ni Triv ay dumaan muna siya sa CR.
Kinakabahan siya sa maaaring mangyari ng araw na iyon. Sa suite nito siya pinapapunta para maningil sa utang niya rito. Nag-alangan pa siya dahil nasa ibaba lang ng naturang Hotel ang pinagtatrabahuan niya. Ngunit dahil narito ang pagpapasya kaya sa huli ay wala rin siyang nagawa pa.
Nang muli silang magkita ng binata, noong isang gabi, ay humantong sila sa isang sea foods restaurant sa may Roxas Boulivard. Hindi pa raw ito kumakain kaya kumain muna sila bago siya nito inihatid sa kanila sa may Tondo. Dahil papasok pa a
