MATAGAL nang nakaalis ang sasakyang kinalululanan ni Diana ngunit hindi pa rin inaalis ni Matt ang paningin sa entrada ng gate ng hotel.
“Napakagaling mo talagang maglihim, cous’, ha,” untag sa kaniya ni Abigail na noon ay tinabihan siya pagkakatayo habang nakahalukipkip ito at nakatingin din sa may gate.
Bumaling siya rito ngunit hindi na nagsalita pa. Sa halip ay pumasok na lang siya sa loob ng hotel ngunit ang atribidang pinsan niya ay mabilis siyang sinabayan sa paglalakad.
“So, how did the two of you meet? Type mo ba siya?” curious na tanong nito habang ang mata ay nakatuon sa dinaraanan nila.
“Cut it out, Abigail,” matipid na sambit niya na hindi pa rin tumitingin sa pinsan.
“Hmm, defensive,” tukso nito saka siya kinalabit sa tagiliran.
“Stop, Abigail,” saway niya saka naiil
