GIGIL na ibinato ni Diana ang cellphone niya sa one-seater sofa saka nagmamaktol na bumaluktot sa three-seater sofa bago nagkulambon ng blanket at inis na umirit.
“I told you, you’re just wasting your time. He’s worse than Art,” nakairap namang gatong ni Luisa habang nagkukukot ng dingdong at ang mata ay hindi inaalis sa pinapanood na pelikula sa Netflix.
Marahas niyang tinanggal ang pagkakatabon ng kumot sa mukha niya at tinignan nang nakahihiwang tingin ang manager niya na noo’y tinawanan lang siya.
“It’s not funny, Luisa! Nakakainis na siya. Seen mode lang ako palagi? Ano? Hanggang ngayon busy pa rin siya, ha?” inis na inis na turan niya saka muling isinubsob ang mukha sa throw pillow. “Ahhh! I hate him! I hate him!” Pinagsusuntok niya ang kawawang throw pillow habang nagkakakawag an
