“Malapit na ang third grading exam natin. Kinakabahan ako sa Math subjet natin,” ani Rosie at napatango si Mayet. Mahina si Rosie sa Math kaya kapag ganoon ay sabay sila nitong nagaaral ng leksyon. Tinuturuan din niya ito sa mga hindi nito maintindihan na mga problems.
“Dating gawi. Sa bahay ka na lang mag-aral ng Math. Tuturuan kita,” suhestyon niya rito at agad naman itong sumangayon.
Nakinig na sila sa guro nila at ilang sandali pa ay nakaramdam siya ng panunubig. Hindi niya maiwasang makaramdam ng antisipasyon dahil batid niyang kapag nakita siya ni Devon na lumabas ay susunod ito para kausapin siya.
Nasa dulo ang classroom nila at nadadaanan ang classroom nito kaya siya nito nakikita. Iyon ang paliwanag nito kaya siya nito agad nasusundan: talaga daw inaabangan nito ang pagkakat
