PAGKATAPOS MAGHAPUNAN AY NAGPAALAM NA SI CELINE TUTUNGO SA SILID NA OOKUPAHIN NILANG MAG-ASAWA. Kasalakuyang nasa old house siya at nasa opisina pa si Jaxon dahil sa nakatambak na trabaho.
“My dear Celine,” tawag sa kanya.
“Mommy?” Tinakbo niya ang pinto at agad na binuksan.
“Baka mainip ka sa paghihintay kay Jaxon, sabihin mo lang. Sa ibaba lang ako,” sabi nito sa kanya.
“Opo Mommy. Don’t worry po,” nakangiti niyang sagot. Tumango ito saka umalis na.
Ini-lock niya ang pinto at may biglang maalala. Kinuha ang mobile phone at inilagay doon ang numero na pilit niyang nais kalimutan. Matapos gawin ay binura ang larawan at saka muling ibinalik sa bag.
Sino kaya ang taong nagpadala ng sulat?
Napagpasyahan na lamang niyang mag-shower bago pa tuluyang malunod ang isip sa inaalalang iyon.
