ALAM NI CELINE NA NAKATULOG NA ANG ASAWA NANG MAGMULAT SIYA. May pakiramdam siya na hindi siya titigilan nito hangga’t hindi niya nasasabi ang kabuaan ng kanyang panaginip. Kailangan niyang maunahan itong makita ang laman ng package na ipinadala sa mansion. Mas magkakaroon siya ng malayang oras na alamin ang pinagmulan ng mga iyon.
Malalim siyang napabuntong-hininga. Isang bagay lang ang ipinagpapasalamat niya sa mga oras na iyon. Sa ilalim ng makapal na kumot ay yakap siya ng pinakamamahal niya. Aminado na siyang si Jaxon na ang bumubuo ng kanya buhay. Walang iba.
Inabot niya ang bahagyang bumaba na laylayan ng kumot. Bagama’t mahina na ang lamig na nagmumula sa airconditioner ay nasanay na silang mag-asawa na kasabay ng mahigpit na yakap ay balot na balot sila ng kumot. Baka nga magka
