NAKARAMDAM SI CELINE NG GUTOM. Mag-iisang oras na ay hindi pa rin bumabalik si Jaxon sa opisina kung saan siya naghihintay. Naisipan niyang mag-browse na lang muna sa social media. Hindi pa naman siya ganoon kagutom kaya hihintayin niya na lamang ang asawa. Tiyak naman na magmamadali itong bumalik sa opisina sa oras na matapos agad ang urgent na itinawag ni John. Kahit si Zendrick ay hindi rin bumalik. Marahil nasa meeting ang mga ito.
Binuksan niya ang isang account niya sa social media nang biglang maalala ang isang larawan. Naisipan niyang i-upload ito. Kahit medyo matagal ng nasa gallery niya iyon ay hindi niya pagsasawaang tingnan ito. Iyon ang larawan na palihim niyang kinuhaan. Kahit sinong makakita niyon ay hindi mahuhulaan iyon. Pero dahil kasal na siya kay Jaxon ay madali ng mat
