HINDI NI JAXON INIWAN ANG ASAWA HANGGANG SA MAKATULOG ITO SA KANILANG KAMA. Lubos nitong dinibdib ang mga ibinatong alegasyon ng mga nagsulputang reporters sa gusali ng AGC. Ang dapat sana ay masayang lunch date nilang dalawa ay naunsiyami.
Wala itong imik nang dumating sila sa mansion at kahit ilang beses niyang tinanong upang kumain ay nagpakatanggi-tanggi ito. Ayaw nito kumain at iyon ang ikinababahala niya.
Bumaba siya sa kusina upang kumuha ng makakain ni Celine. Dadalhin niya na lamang sa silid nila. Kailangang niyang mapilit na kumain ito. Dala ang isang tray ay bumalik na siya sa itaas ngunit sa hagdanan pa lang ay bigla siyang natigilan.Isang pamilyar na imahe ang nakita niya sa repleksyon ng salamin. Hindi siya maaaring magkamali. Si Peyton ito.
Nang lingunin niya ang direks
