SINISISI NI JAXON ANG SARILI! Kung hindi siya nagpabaya ay hindi sana nangyari kay Celine ang isang hindi inaasahang pangyayari. s**t! Dinudugo ang asawa ko! Naghuhumiyaw ang isip siya sa matinding takot at kaba.
Habang nagmamaneho ay maya’t maya niya sinusulyapan ang walang malay na asawa. Muli siyang napamura! Lahat ng ipinangako niya sa babaeng pinakamamahal ay hindi niya natupad.
“Damn! Damn!” Halos pukpukin niya ang manibela sa sama ng loob. Patuloy na dinudugo si Celine at hindi niya makayanang makita iyon. “Please hold on, my love!” Akma niyang aabutin ang kamay nito nang biglang tumunog ang kanyang mobile phone. Pinindot niya ang speaker at inilapag ito.
“Hello Zendrick?” sagot niya.
“Jaxon, nasaan ka na banda?” tanong ng kanyang kaibigan.
“Kalsada pa,” tipid niyang sagot.
