"Tito Damien!"
Bulalas ng batang si Dero nang mapansing katabi nito sa higaan si Damien. Kinalampag pa nito ang balikat ng binata na siyang dahilan nang pagbalikwas nito ng bangon na animo’y nananaginip pa sa mga oras na iyon. Napakusot-kusot ito ng mga mata at pilit inaaninag ang nakangiting si Dero.
"B-buddy? Oh buddy good morning!" agad niyakap ni Damien si Dero at hinalik-halikan ito sa noo.
"I thought I was dreaming pero hindi po pala!" halata ang saya sa mukha ni Dero habang gumaganti rin ito ng yakap kay Damien.
Napangiti si Damien at tinapik-tapik ang balikat ng bata.
Nang balingan niya si Trina ay mahimbing pa rin itong natutulog at naghihilik pa. Marahil ay napagod ng sobra ang dalaga dahil madaling araw na rin silang nakatulog. Napangiti siya habang pinagmamasdan ang likod
