The Bar, Makati.
Panay ang pagsalin ni Damien ng nakakalasing na alak sa kan'yang baso. Bawat salin niya ay mabilis niya rin iyong dinadala sa bibig para inomin. Animo'y uhaw na uhaw siya sa bawat paglagok nito. Gusto niyang maibsan ang kirot na nararamdaman niya sa dibdib matapos ang naging pagtapat niya ng damdamin kay Trina sa Baguio, kung kaya sa isang linggo na hindi niya ito nakikita ay panay ang punta niya sa Bar ng kaibigang si Rocco upang magpakalasing. At uuwi siya sa kanilang Mansion kung hindi na niya kaya. Isang linggo na rin siyang hindi pumapasok sa opisina, isang linggo na rin na hindi siya umuuwi ng condo. Nami-miss na niya ang batang si Dero, lalo na ang Mommy nito. Kaya heto siya ngayon, panay ang paglalasing. Nagbabakasakaling maibsan ang kan’yang nararamdaman.
Amina
