"Oh, bakit ka bumalik?" Salubong na tanong ni Trevor kay Damien nang makitang dumating ang huli. Naroon pa rin sa kinauupuan si Trevor at mukhang walang balak na umalis. Bumukas ito ng isang bote ng alak at ibinigay kay Damien na ngayon ay nakaupo na. Tinanggap naman iyon ni Damien saka mabilis na tinungga. Kapagkuwan ay marahas siyang bumuga ng hangin na siyang ikinatingin naman ni Trevor.
Imbes na sagutin niya ang tanong na iyon ng kaibigan ay iba ang sinabi niya rito.
"May pa-iimbestiga ako sayo. Total marami ka naman connections." seryusong saad niya sa kaibigan.
Nangunot ang noo ni Trevor sa sinabi niya.
Dati kasing NBI ang kaibigan niya. Pero matagal na itong tumigil sa serbisyo o mas tamang sabihin na pinatalsik sa serbisyo. At kung ano man ang dahilan ay ang kaibigan na lang n
