Gusto kong makilala ang pamilya ni Sebastian pero hindi sa ganitong paraan. Alam kong hindi ako duwag at marunong na akong lumaban pero iba talaga kapag nandoon na sa sitwasyon, parang gusto ko na lang pakiusapan si Tita Eula na sa ibang araw na n'ya ako husgahan at kagalitan.
But the damage has been done. Ilang minuto nang tapos at hindi ko na mababago ang hindi magandang impresyon ng unang pagkikita namin ng mommy ni Sebastian. Wala na akong magagawa roon at mas lalong wala akong kontrol sa kung anong kahihinatnan ng magiging pag-uusap namin ngayon.
Gusto kong tawanan ang sarili. Kaya naman pala todo linis ako kanina ay dahil magiging bisita ko ang mommy ng boyfriend ko. In the worst way possible.
"Have a seat, Ma'm..." Inilahad ko ang living room. "May gusto po ba kayong inumin or
