"Sebastian! Ano ba!"
Oo at nahihilo ako. Siyempre, ang dami ko ring nainom pero alam ko pa ang nangyayari. Alam ko ring kinuha ako ni Sebastian mula sa dance floor at basta na lang isinakay dito sa sasakyan n'ya.
Nakatulog na't naalimpungatan ako ay hindi pa rin n'ya sinasabi kung saan kami pupunta. Iba naman kasi ang direksyong tinunton ng sasakyan. Hindi papunta sa exclusive building ng condo ni Kuya Alfon at ngayong kapaparada lang n'ya rito sa garahe ng kung kaninong bahay na 'to, mas lalo akong nainis.
"Nasaan ba tayo?" Galit na hinarap ko s'ya pero wala na s'ya sa tabi ko at nakababa na mula sa sasakyan.
Bumukas ang pinto sa tapat ko pero sa halip na bumaba ako ay matalim na tingin ang ibinigay ko sa kanya. Nakikisama pa yata ang panahon sa timpla ko dahil kaagad na bumuhos ang
