Sebastian’s looks excited, nagpa-panic nga lang din. Hindi naman s’ya naiihi pero kulang na lang ay magpabalik-balik sa lobby ng kompanya ng mga Zaragosa. Kinakabahan din naman ako pero dahil sa kanya ay nakakalimutan ko ang sariling kaba.
Iba naman kasi ang dahilan ng kaba ko. Naglakas-loob lang akong tumuntong dito sa kompanya ng mga kapatid ko pero natatakot din akong baka makasalubong ko ang mommy nina Kuya Road. Huwag naman sana lalo at wala sa plano ko ang maeskandalo ang pamilya nila.
“Mr. Acostino!” Hindi na yata nakatiis ang receptionist at lumapit na sa amin. Sinulyapan n’ya ako bago itinuon ang mga mata kay Sebastian. “May appointment po ba kayo kay Miss Castro?”
I bit my lower lip. Nakalimutan kong executive nga pala rito si Ate Gabriella. Siguradong nasanay na ang reception
