Chapter Ten
Charm's PoV
Napahawak agad ako sa ulo ko nang magising ako. Parang binibiyak ang ulo ko nang inalala ko ang mga nangyari kagabi. Tinignan ko ang oras at nakitang alas dos pa lang ng madaling araw. Ilang oras akong tulog? Nilibot ko ng tingin ang kabuuan ng kuwarto at pamilyar ito.
Guest room ‘to ng condo ni Aldrick. Nakaramdam ako ng pagkauhaw kaya bumangon ako at lumabas ng kuwarto. Pinuno ko ng yelo ang baso. Nang pabalik na ako sa kuwarto bitbit ang baso ng malamig na tubig, nadaanan ko ang glass door ng balcony at nakita kong nakabukas iyon. Natanaw ko si Aldred na nakaupo at may baso ng alak sa ibabaw ng mesa. May pizza rin doon.
Naglakad ako papunta roon. Nakatulala siya sa baso at may hawak na sigarilyo. Naka-unbutton na rin ang tatlong butones sa itaas ng suot niya
