Chapter Twenty
Charm's PoV
Saktong alas-diyes ay nag-check out na kami sa hotel. Hindi na kami nagpalit pa ng damit dahil gabi naman na at may sasakyan si Aldred. Sa bonfire agad kami dumiretso at nakita ko ang mga kasama ko na mga lasing na. May ilang bumati pa sa akin at kay Aldred na nasa likod ko. Nakasunod lang sa akin si Aldred habang hinahanap si Eloisa dahil wala na siya sa puwesto namin kanina.
"Aldred!" May tumawag kay Aldred mula sa grupo nina Cynthia.
"Sabi na nga ba't nagbibiro lang si Baron na hindi ka pupunta. Bakit ngayon ka lang?" tanong ni Cynthia habang naglalakad palapit kay Aldred. Umamba si Cynthia na hahalikan si Aldred ngunit ipinaling niya sa kanan ang kanyang mukha kaya nahinto si Cynthia.
"Get off," malamig niyang sabi kay Cynthia kaya bumitiw siya kay Aldre
