“HOY, LEO!” pukaw sa kanya ni Jared.
Blangko ang mukhang tiningnan niya ang kanyang kaibigan. Nakakunot-noo ito at nakatingin nang mataman sa kanya. Gayundin ang iba pa nilang mga kaibigan.
“Tulala ka na naman diyan,” ani Humphrey.
“Wala,” usal niya.
“Ano bang wala? Kanina pa kami nagsasalita rito, hindi ka sumasagot,” sabi ni Darrel.
“Pasensiya na,” hinging-paumanhin niya.
“Ano ba’ng iniisip mo?” tanong sa kanya ni Ken.
Umiling siya bilang sagot.
“Hay, pare. Nasaan na ba ang dati naming kaibigan?” tanong sa kanya ni Vanni.
“I’m here,” papilosopong sagot niya.
“Malaki ang ipinagbago mo mula nang mangyari ang trahedyang iyon,” sabi ni Justin.
Tumikhim siya. “Can we stop talking about it, please?”
“Hindi habang-buhay ay mai
