#Duplikado
BENTE NWEBE
Inayos ko muna ang pagkakasuot ng sumbrero at shades ko bago ako tuluyang lumabas ng mansyon. Hindi na ako nag-abala pang pumunta sa garage para kumuha ng masasakyan dahil una, hindi naman ako marunong mag-drive at pangalawa, ayoko ring magdala ng sasakyan at mas gusto kong mag-commute.
Natapos rin ang mahaba-haba kong paglalakad at nakalabas rin ako ng mansyon, nilagpasan ko pa ang malawak na hardin. Tinanong ako ng guard kung saan ako pupunta, sinabi ko na lamang ay sa mall. Baka kasi magtanong rin sa kanila si Dylan, mas mabuti ng may naging sagot ako. Nag-alok pa ang guard na tawagin nito ang driver para ihatid ako pero tinanggihan ko.
Pupuntahan ko si Jerold. Ewan ko pero may nabuong paghihinala sa akin. Tungkol ito sa mga litratong ipinakita
