Saktong tapos na ang shift ni Avery nang makatanggap siya ng text mula kay Red Sanchez at sinabi na kailangan nilang pumunta sa isang restaurant para sa food tasting. Hindi na nag-abala na magreply ang dalaga dito saka agad na nagtungo sa locker room at mabilis na nag-shower.
Tumutulo pa ang tubig mula sa buhok niya ng lumabas siya ng shower room, naglakad siya palapit sa locker saka kumuha ng isa pang tuwalya at ibinalot iyon sa buhok niya. Pinunasan niya muna ang katawan saka nagsuot ng black high waisted shorts at tinernuhan ang white plain na long sleeve na tinucked-in niya sa shorts niya. Naupo siya sa bench at isinuot ang white sneakers niya saka muling tumayo at tinanggal ang tuwalya mula sa ulo niya. Isinuklay niya ang buhok saka binlower iyon para mabilis na matuyo. She also a
