Lumipas ang maghapon na walang natanggap na reply si Kourtney mula kay Red. Iniisip niya ay baka busy lang ito dahil umpisa na ng campaign para sa presidential race kaya umuwi na lamang siya kinagabihan sa bahay ng auntie niya at nagpahinga. Natulog siya magdamag at nagising na magtatanghali na.
“Minsan ka na nga lang umuwi puro tulog pa ginagawa mo,” wika sa kanya ni Kim nang pumasok siya sa hapag at maabutan ito na kumakain mag-isa ng tanghalian.
“Alam mo naman na lagi akong puyat,” natatawang sagot naman ni Kourtney. Hindi na nagkomento pa si Kim kaya nagtungo na lang si Kourtney sa kusina para kumuha ng plato at utensils. Mabilis din siyang bumalik sa hapag at naupo sa harapan ng pinsan niya. Tahimik siya na nagsandok ng kanin saka sinigang na baboy na ulam nila na sa tingin n
