Nahinto sa paglalakad si Kourtney ng marinig ang pagtunog ng cellphone niya. Natigil din sa paglalakad si Rick at napatingin sa dalaga. Mabilis naman na kinuha ni Kourtney ang cellphone mula doctor’s gown nito saka agad na sinagot ang tawag habang nakatingin kay Rick.
“Hello Professor Kim?” wika ni Kourtney.
“Are you busy? Gusto sana kitang kausapin,” sabi naman ng propesor mula sa kabilang linya. Mataman na pinagmasdan niya si Rick na tahimik lamang na pinapanood siya. Mahigpit na hinawakan niya ang kamay ng binatang abogado saka marahan iyon na pinisil, mukhang naintindihan naman ni Rick ang nais niyang sabihin at marahan itong tumango.
“Nasaan po kayo?” sabi ni Kourtney. Agad na sinabi naman ng propesor niya na pumunta siya sa opisina nito. May iilan pa ito na sinabi sa k
