Napalingon si Kourtney kay Rick nang tumigil na ang sasakyan. Bahagya na napakunot ang noo ng dalaga dahil hindi gumagalaw ang binata at nakatitig lamang sa cellphone nito.
“Nandito na po tayo,” wika ng driver nila kaya nilingon niya ito at mahinang nagpasalamat saka binalik muli ang tingin sa binata. Nagdalawang-isip muna siya bago mahina itong tapikin para makuha niya ang atensyon nito.
“Attorney Sanchez,” tawag niya pa dito. Mabilis na nilingon naman siya nito saka nginitian.
“Okay ka lang?” nag-aalala na tanong pa ni Kourtney na tango lamang ang naging tugon ng binatang abogado sa kanya. Tumango na lamang din siya saka muling nagpasalamat sa driver bago bumaba ng sasakyan, doon lang napagtanto ni Rick ang nangyayari kaya nagpasalamat din ito kay Tatay Teo saka bumaba n
