في قلوب العاش*ين

في قلوب العاش*ين البارت السابع والعشرون

في قلوب العاش*ين

البارت السابع والعشرون

بقلم / غاده سعيد

روحت حور بيتها وهي فرحانه اوي انها شايفه ديما فرحانة ونفسها ربنا يجبر ب خاطرها ويرزقها الذرية الصالحة .... دخلت عشان تغير هدومها و اتصلت ب فارس عشان كان بقالها كتير مكلمتهوش ...

حور : ازيك يا فارس عامل ايه ...

فارس : انا كويس الحمد لله انتي عاملة ايه وحشتيني اوي يا حور مبتتصليش بيا ليه ...

حور : معلش والله انشغلت مع واحده اعرفها كده ...

فارس : و الواحده دي اهم مني يعني ...

حور : انت مفيش حد اهم منك في حياتي كلها ...

طمني عليك انت عامل ايه ....

فارس : انا كويس طول مانتي كويسه ... مش هشوفك تاني ولا ايه ...

حور : لا هتشوفني طبعا بس اخد يوم أجازه و هقولك علي طول ... انت عملت ايه مع مامتك طمني ...

فارس : لسه متكلمتش معاها متشغليش بالك بالحاجات دي انا هتصرف في كل حاجه متقلقيش ... حور انا عاوزك تسيبي الشغل ده مش عاوز حد يشوفك ولا يضايقك ...

حور : مش هينفع يا فارس الشغل ده بصرف منه علي اهلي اسيبه ازاي واصرف منين ...

فارس : اي حاجه تحتاجيها انا موجود مش هخليكي محتاجه اي حاجه كل الي نفسك فيه قوليلي بس وهتلاقيه تحت رجليكي ...

حور : انا اسفه يا فارس بس انا مش هاخد حاجه منك انا متعودتش اخد فلوس من حد عشان اصرف علي اهلي انا متعوده اشتغل و اجيبلهم كل ال نفسهم فيه ..

فارس : انا مش اي حد يا حور و عالعموم انا هسيبك براحتك لحد بس اما نتخطب رسمي و كل ده هيتغير ...

حور : انا حاسه يا فارس ان هيحصل مشاكل كتير ملهاش آخر لما مامتك تعرف و آسما و فريده ...

فارس : فريدة عرفت و فرحت جدا عشان حست اني مبسوط هما هنا اهم حاجه عندهم ان انا اكون مرتاح و مش فارق معاهم اي حاجه تانيه ....

حور : ماشي شوف هتعمل ايه و كلمني ...

قفل فارس مع حور كانت اسما عماله تتصل و هو بيكلم حور قفل معاها و فتح المكالمه علي اسما ....

،اسما : ايوة يا فارس هو انت بتكلم مين كل ده ...

فارس : بتكلم فالتليفون في شغل بتسألي ليه ...

اسما : اصلك بتتكلم بقالك وقت كبير مش متعوده منك علي كده يعني ... المهم يا فارس انا دلوقتي عاوزه اقابلك ضروري اوي محتاجه اتكلم معاك في موضوع مهم ....

فارس : ماشي بكرة نتقابل نقعد نتكلم في كافيه مع بعض و نشوف هنعمل ايه ...

اسما : طيب هنتقابل في نفس الكافيه الي كنا بنتقابل فيه زمان عشان وحشني القاعدة فيه اوي ...

فارس : ماشي تمام بكرة الساعه ١٢ الضهر نتقابل هناك ..

اسما : ماشي يا حبيبي هستناك هناك ...

قفل معاها و هو مش طايقها ولا طايق يسمع سيرتها بس هو عاوز يشوفها عاوزه منه ايه بس و يصارحها انه مش هيقدر يكمل معاها بس ..

تاني يوم حور راحت شغلها و فارس مقالهاش انه رايح يقابل آسما و لسوء حظه ان الكافيه الي بيتقابلوا فيه ده هو نفس الكافيه الي حور بتشتغل فيه ...

وصلوا الكافيه قعدوا يتكلموا مع بعض ...

اسما : انت بتتهرب مني بقالك فترة ليه انا مش عارفه اوصلك خالص انا ضايعه من غيرك يا فارس و مش عارفه اعمل ايه مش كفاية كده بقي هنرجع لبعض امتي ونحدد الفرح ... راحت ماسكه ايده ومشبكه ايده في ايديها ... فاللحظه دي كانت حور خارجه من جوة ماسكه تليفونها تتصل ب فارس تقوله صباح الخير عشان كان واحشها اوي .... لسه بتتصل لقت المنظر ده قدامها وقفت اتصدمت صدمه عمرها يعني انت كنت بتلعب بيا يا فارس و تضحك عليا عشان توصل ل ايه بالظبط ... قربت حور منهم ...

اسما : ايه ده اهلا يا حور انتي بتشتغلي هنا من امتي ...

حور : من وقت قصير .

اسما : مبسوطين اوي اننا شوفناكي احنا كنا جايين نحدد ميعاد فرحنا هنحدد ونبلغك تبقي تيجي ...

حور بصت نظرة إن**ار وقالتلهم شرفتوا هبعتلكم حد ياخد الاوردر بتاع حضراتكم ....

حور دخلت تجري علي الحمام و هي منهارة من العياط بتداري دموعها احسن حد يشوفها .... دخلت الحمام و قفلت ع نفسها و انهارت من العياط ... فارس كان قاعد برة اسما كانت عماله تتكلم و هو مش سامعها خالص وعينه جوة بيدور علي حور تخرج تاني و هي مخرجتش ... و مبقاش عارف يعمل ايه ...

اسما : مالك يا فارس انت شكلك مش معايا خالص ...

فارس : معلش يا اسما انا تعبان هستأذنك ادخل الحمام ثواني ... دخل فارس جوة يدور علي حور و اسما محطتش في دماغها حاجه .. فارس قعد يدور و مش لاقي حور في اي مكان لقي باب الحمام مقفول و فيه صوت عياط طالع من جوة عرف انها حور ...

فتح الباب و دخل و قفل الباب وراه

حور : انت اتجننت ايه الي دخلك هنا لو سمحت اطلع برة مش عاوزه اشوفك ...

فارس : حور انتي فاهمه الموضوع غلط والله انا جاي هنا عشان انهي علاقتي بيها ...

حور : مهو واضح بعد الي شوفته ده و كمان جايين تحددو الفرح طيب بتعلقني بيك من الاول ليه انت كنت بتضحك عليا وتستهزء ب مشاعري ليه الله يسامحك امشي انا مش عاوزه اشوف وشك هنا تاني ...

فارس : يا حور اسمعي انا معملتش حاجه والله ...

حور : بقولك امشي دلوقتي حالا اطلع برة ...

راح مقرب عليها و حاضنها راحت زقاه ب ايديها و دورت وشها و هو فتح الباب و طلع بره ... اول ما فتح الباب لقي عا** في وشه ...

عا** : ازيك يا فارس بقالك كتير مش بتيجي ولا بشوفك ...

فارس : اهلا يا عا** والله مشغول شوية ...

حور كانت سامعه صوتهم من بره و عرفت انهم يعرفوا بعض و استخبت جوه عشان تخرج لما يمشوا و ميبقاش منظرها وحش ....

خرج فارس و قال ل اسما انه لازم يمشي دلوقتي حالا عشان وراه شغل وهو كان عاوز يمشي عشان مكنش مستحمل الحاله الي شاف حور بيها ....

روح البيت وكان بيتصل ب حور كتير وهي مش بترد قعد يتصل بيها ٣ ايام متواصل و مردتش عليه ولا مرة .... كان حاطت الهدوم بتاعته الي كان لبسها و حضن حور بيها كانت ريحتها فيها حور هي دي الي كانت مصبراه علي الي هي فيه ....

حور كانت حاسه انها بتحلم الي شافته ده كأنه مش حقيقه و كانت بتحاول تبين انها مفيهاش حاجه و في نفس الوقت منسيتش صاحبتها ديما انها تطمن عليها وتتصل بيها

تاني يوم الصبح راحت ديما معمل التحاليل وعملت كل المطلوب منها وتاني يوم كانت نتيجه التحاليل معاها اتصلت علي حور

ديما : ازيك يا حور انا عملت التحاليل واستلمتها انهارده ايه هينفع نروح للدكتور

حور : تمام يا ديما هتصل اشوف لو في حجزر انهارده نحجز وخير أن شاء الله

ديما : تمام هستني منك تليفون كان ساعه

حور : تمام يا ديما سلام دلوقتي وأول ما هحجز هكلمك يا حبيبتي ...

اتصلت حور بالعيادة وحجزت والسكريات قالت لها تيجوا علي الساعه ١٠ بليل قالت لها تمام هنكون موجودين في الميعاد بالظبط ...

اتصلت حور بديما وعرفتها الميعاد واتفقوا يتقابلوا زي المره الل فاتت

وجت الساعه ٩ ونص وجت ديما في نفس المكان وراحت لها حور ومشيوا مع بعض

دخلت ديما للدكتور وهي متوتره وخايفه

ازيك يا دكتور دي التحاليل

الدكتور : اهلا يا مدام ديما اتفضلي اقعدي واخد منها التحاليل وبص عليها وقالها تمام زي ما توقعت حاجه بسيطه جدا ومحتاجه علاج بسيط ومتخفيش العلاج هيجيب نتيجه بسرعه بإذن الله

ديما وهي طايره من الفرحه بجد يا دكتور محسن حضرتك متأكد ...

طبعا يا مدام الله زي ما قولتلك المره ال فاتت حاجه بسيطه وخير متقلقيش اوي كده الموضوع طلع بسيط اكتر من اي حاجه وفعلا خرجت من عند الدكتور وهي طايره من الفرحه وده كان أول خطوه في العلاج ال الدكتور بيمشي عليها

وفعلا بداءت تاخد العلاج وهي مرتاحه لكلام الدكتور وحتي عا** خد باله انها فرحانه اوي وبداء هو كمان نفسيته تبقي مرتاحه من عدم التوتر ال كانت ديما عملاه في البيت وبقي فرحان بفرحها وسعادتها جه يوم من المطعم

فتح باب الشقه لقي الدنيا ضلمه وصوت موسيقي هادي جدا واضاءه جايه من عند السفره بص لقي الشمع الل بيحبه وريحه الشقه كلها من ريحه الشمع دخل ومش مصدق نفسه

ضحك بينه وبين نفسه وقال ياااه وافتكر اول جوازهم

دخل براحه وهي حست بالباب وهو بيفتح راح جي عليه وهي لابسه فستان سهر في منتهي الشياكه والاناقه وحاطه البرفيوم ال عا** بيحبه عا** اول ما شاف ديما راح وخدها في حضه وقالها وحشني الحضن والجو ده من زمان هي دي ديما ال بحبها وكان نفسي تفضلي كده علي طول

ديما : حبيبي وقلبي ياةعا** معلش من انهارده انا اتغيرت وهرجع زي زمان وهنسي اي حاجه تبعدنا عن بعض

عا** : يااه يا ديما من زمان بطلب منك كده وانتي علي طول متوتره وعامله قلق كنتي خلتيني افكر في حد غيرك يا حبيبتي كده انا بحبك انتي وعمري ما حبيت غيرك ولما فكرت اتجوز من كتر كلامك ليا وانا والله بحبك انتي وعايزك انتي وخدها ورقصوا مع بعض واتعشوا مع بعض وكان يوم من احلي ايام حياتهم عا** خد اجازه وحجز لهم اسبوع في الجونه وقضوا احلي يومين عسل من جديد في الفتره دي ...

بعدها بفتره جه الميعاد ال المفروض تعرف منه انها حامل او لاء وكانت ناسيه خالص من كتر الفرحه ال كانت عيشاها مع عا** الفتره ....

ال كانت فاكره التوقيت هي حور اتصلت عليها بعد ما رجعوا

حور : عامله ايه يا ديما وايه اخبارك تسافري كده وتنسيني ماشي يا ستي هعديها علشان بس كنتي في اجازه

ديما : مش قادره اقولك واوصفلك يا حور الفرحه الل انا فيها عا** رجعي زي زمان وطاير بيا وانا كمان رجعت معاه زي زمان وعايشن وقت نفسي ميخلصش خالص

حور : شوفتي يا ديما انكم ملكمش غير بعض مستر عا** بيحبك وانتي كمان بتحبيه وربنا مش هبعدكم عن بعض تاني بإذن الله ...

حور : عايزه أسألك سؤال يا ديما

ديما : اسألي يا حور انتي بتستاذني اسألي علي طول يا حبيتي

حور : انا عايزه افكرك بميعاد الدكتور

ديما يااه هو الوقت عدا بسرعه كده تصدقي من كتر فرحتي طب ها افتكرتي وراحت ضحكه ههههه

اه انا نسيت الدنيا كلها شكلي انا كده بقالي اكتر من !!! حور هو انا ممكن فعلا اطلع ؟؟ وسكتت مره واحده

حور : يا ستي تعالي يلا نحلل ونفرح مع بعض قعدة تضحك بصوت لدرجه عا** جه هلي صوتها بتضحكي كده مع مين غيري يا قلبي وراح قالته عا** انا فرحانه اوي اوي ممكن اروح مع حور مشوار وهتعرف بعدها كنن بضحك علي ايه

عا** : مع حور اشمعني يعني

ديما : حضنته وقالته هحكيلك كل حاجه بس سبني انهارده بس اروح اقابل حور

عا** استغرب من طلبها بس وافق طبعا وقالها ماشي يا ستي مقدرش ازعلك يا حبي انتي

تاني يوم راحت عملت التحليل وطلعت فعلا حامل وكانت حور اول واحده تعرف وفرحت لها جدا جدا وهي كمان مكنتش مصدقه عماله تقول لدكتور التحاليل حضرتك متأكد وهي بتعيط قالها والله يا مدام حامل حضرتك مش مصدقه ليه بس راحت حور قالت له ألف شكر يا دكتور معلش من فرحتها بس قالها تمام انا متعود علي كده كتير ...

خدت التحليل وراحت فرحت عا** وكده بداءت حياتهم فعلا ....