في قلوب العاش*ين

في قلوب العاش*ين البارت الرابع من الجزء الثاني

اول ما ردت لقيت رقم غريب بيتصل بها ..

حور : الو ايوه مين معي .. صوت شخص مجهول : ايوه يا انسه انا الدكتور اللي بعالج والدك .. احنا عاوزين كم دلوقت حالا في المستشفى ..

حور : ليه هو في حاجه حصلت ولا ايه ..

الدكتور : طالبين حاجات عشان العمليه لان الحاله بدات تتدهور .. لو سمحت تعالى دلوقت حالا .. قفلت حور التليفون بسرعه زي المجنونه واتصلت ب فارس ..

فارس : ايوه يا حبيبتي خمس دقائق واكون تحت البيت ..

حور : الحقني يا فارس اتصلوا بي في المستشفى وبيقولوا لي ان حاله بابا صعبه جدا ولازم نروح دلوقت حالا ..

فارس : ثواني واكون عندكم .. انزلوا بسرعه .. حور قالت لمامتها : خليكي انتي يا ماما انا هاروح لبابا المستشفى .. وكانت بتحاول تتماسك قدامها ..

مامت حور : لا يا بنتي انا لازم اجي معك .. هو مين اللي كان بيكلمك في التليفون ..

حور : ما فيش احد ده فارس كان بيكلمني وبيقول لي انه قرب ينزل تحت وكمان بيقول لي خلي مامتك قاعده مع اخواتك الصغيرين ملهاش لازمه انها تيجي انا هاكون معك من اول اليوم ..

مامه حور : بس انا حاسه ان ابوكي تعبان يا بنتي ومحتاجني جنبه . خليني اجي معك وخلاص ..

حور : لا يا ماما خليكي مع اخواتى عشان انا كنت خايفه عليهم جدا امبارح ولو في اي حاجه هابقى اكلمك اقول لك ..

مامت حور : ماشي يا حور اللي تشوفيه اهم حاجه طمنيني على ابوك اول ما توصلي .. حور نزلت بسرعه وركبت العربيه مع فارس .. فارس قال لها : امال فين مامتك ..

حور : ماما ما جاتش يا فارس ما ردتش اجيبها لأن شكل فيه حاجه والدكتور لما كلمني كان صوته غريب .. خلينا احنا نروح لان ماما لو بابا جراله اي حاجه مش هتستحمل الموضوع ده . خليني اروح انا وانت احسن لوحدنا .. ربنا يستر يا فارس انا خايفه قوي على بابا و حاسه اني جراله حاجه .. والدكتور ما رضاش يقول لي في التليفون .

فارس : لو جرى له حاجه كان هيقول لك طبعا ما كانش هيخبي عليكي .. هو يمكن محتاج اي حاجه .. نشتريها له مش مشكله ..

حور : طب يلا بسرعه يا فارس اطلع بسرعه لان الدكتور قال لي لازم تكوني عندي في اسرع وقت .. فارس كان ماشي بالعربيه باقصى سرعه وحور كانت جنبه متوتره جدا وعماله تعيط اول ما وصلوا .. حور طلعت جري وفارس جري وراءها قابلت الدكتور ..

حور : خير يا دكتور فين بابا ..

الدكتور : احنا دخلناه العمليات مستعجل لان الصبح بدري حالته اتدهورت جدا ادعوا له انتم لان ما اكذبش عليكم الحاله صعبه وهو تعبان .. المهم الورقه دي فيها طلبات انزلوا اشتروها بسرعه عشان محتاجينها في العمليات ومش متوفره هنا في المستشفى .. فارس اخذ الورقه وقال لحور : خليكي انت قاعده هنا وانا هانزل اشوف ايه الطلبات دي واجيبها ..

حور فضلت قاعده تدعي لباباها وفارس راح يدور على الطلبات ما كانتش موجوده في الصيدليات اللي جنب المستشفى قعد يلف اكثر من ساعه لحد ما يجيبها كلها واول ما وصل المستشفى .. لقي حور قاعده على الارض مغمى عليها والناس عماله تفوقها ..

فارس : في ايه يا دكتور ايه اللي حصل ..

الدكتور : البقاء لله اول ما سمعت خبر وفاه والدها وقعت من طولها احنا هناخذها دلوقت نحاول نفوقها .. فارس رمي الشنطه اللي فيها الطلبات اللي اشتريتها وقعد جنبها يعيط ويقول لها : قومي يا حور انا ما صدقت لقيتك .. اوعى تروحي مني انا عارف ان الصدمه كبيره جدا عليكي بس انت مش هينفع هتضيعي من ايدي .. ارجوك يا دكتور شوف اللي انت عاوزه كله وانا هاديه لك اهم حاجه خلي بالك منها وانقذها انا مش هاقدر اعيش من غيرها ..

الدكتور : ما تقلقش يا استاذ هي بس من اثر الصدمه لكن شويه و هتروق وهتبقى كويسه الدكتور دخل جوه الاوضه وقعد يفوقها ويركب لها محاليل . واول ما فتحت عينيها قاعده تقول فين بابا انا عاوزه بابا هاته لي ..

فارس : انا جنبك يا حور ما تخافيش .

حور : بابا فين يا فارس هو بابا مات فعلا ..

فارس : دي حكمه ربنا يا حور وكلنا هنموت اهم حاجه انتي حاولي تشدي حيلك ..

حور : ماما فين ماما لو عرفت اللي حصل لي بابا ممكن يجري لها حاجه يا فارس احنا خلاص ضهرنا ات**ر وما بقاش لنا احد خالص .. هاكلم ماما دلوقت واقول لها ايه لو عرفت ان بابا مات هيجرى لها حاجه والله يا فارس ... وهم قاعدين يتكلموا تليفون حور رن مامتها بتتصل بها ..

فارس : ما ترديش يا حور بلاش تقولي لها دلوقت ..

حور : لو ما ردتش هتيجي هي المستشفى انا لازم ارد .. حور حاولت تتماسك وترد على مامتها ..

مامت حور : في ايه يا بنتي انا بكلمك من بدري مش بتردي ليه .. مطمنتنيش على ابوك من اول ما رحت المستشفى ..

حور : الحمد لله يا ماما كويس ما تقلقيش انت طمنيني عليك وعلى اخواتي ..

مامت حور : انت صوتك مش عاجبني انا حاسه ان في حاجه حصلت طمنيني يا بنتي انا عاوزه اعرف ابوك جراله حاجه ..

حور : لا يا ماما ما تخافيش ما فيش حاجه حصلت بابا كويس .. وهم بيتكلموا في التليفون فجاه الدكتور فتح الباب وقال بصوت عالي : لو سمحتم يا جماعه تعالوا معي عشان نخلص اجراءات الدفن .. مامت حور سمعت الكلمه دي وقالت لها : بتكذبي علي يا حور ابوك مات انا سامعه بوداني .. ليه كده يا بنتي قولي لي عاوزه اشوفه لاخر مره .. والتليفون وقع من ايديها .. حور قعدت تعيط وتقول لي فارس : ماما عرفت خلاص يا فارس و سمعت كل حاجه بودانها .. ماما هيجرى لها حاجه يا فارس اعمل ايه دلوقت حور كانت عماله تعيط وفارس راح مع للدكتور يخلص اجراءات دفن و حساب المستشفى كله .. وكلم العربيه اللي هتاخذ الجثه و يدفنوها وجهز العزاء وجهز كل حاجه .. كلم مامته وفريده في التليفون قال لهم ان بابا حور اتوفي ولو حد عاوز يجي يعزي ..

فريده : انا هاجي طبعا يا فارس ..

عاليا قالت لهم : انا مش هاروح في حته هاروح المكان ازاي اللي هم ساكنين فيه ده و لو حد شافني او يعرفني يقولوا علينا ايه .. لا طبعا مش هاروح ..

فريده : ده عزاء يا ماما والعزاء واجب لازم تروحي طبعا عشان تاخذي ثواب ..

عاليا : لا روحي انت يا فريده طول عمرك صاحبه واجب لكن انا مش بفهم في الواجب .. فريده جهزت نفسها وراحت عند بيت حور لقيت اخواتها كلهم قاعدين عمالين يعيطوا .. ومامتها وهي بعد ما خلصوا و

الدفن روحوا على البيت .. وفارس كان بيجهز العزاء في الشارع بتاعهم وهم كانوا في دنيا ثانيه .

فريده : شدي حيلك يا حور ربنا يجعلها اخر الاحزان ان شاء الله ..

حور : تعبانه قوي يا فريده حاسه اني هيجرالي حاجه ... بابا طول عمره شايلني انا واخواتي انا والله ما قصرت معاه كل اللي كان بيحتاجوا كنت باجيبه له من العلاج بس مش عارفه ايه اللي حصل فجاه كده حالته اتدهورت .. ادعي لي ربنا يصبرني على اللي انا فيه ده ..

فريده : بدعي لك والله يا حبيبتي وما تقلقيش انا معك وعمري ما هاسيبك .. اهم حاجه تشدي حيلك انت عشان ربنا يفرحنا بيكي انت وفارس ..

حور : لو سمحتي يا فريده انا عاوزاك جوه شويه معي ..

اخذت حور فريده جوه عشان تعرف تتكلم معها وقالت لها : انا عارفه كويس ان مامتك رافضه الموضوع بتاعي انا وفارس ده خالص وانا عمري ما ارتبط بفارس ومامتك مش موافقه على .. شوفي لي حل عشان انا مش عاوزه اجرح فارس لانه كويس جدا معي وانا لو لفيت عمري كله عمري ما هلاقي واحد زيه يحبني ولا يصوني .. بس انا موضوع مامتك ده مقصر في جدا يا رب يكون احساسي غلط .. انا هاسالك سؤال وتجاوبي على بكل صراحه .. هي عاليا هانم موافقه على فعلا زي ما فارس قائل ولا هو بيقول لي كده عشان ما ازعلش .. فريده بصيت لها وما قدرتش تتكلم ولا تفتح بوقها ..

حور : كده انا عرفت الجواب هي طبعا ما ينفعش توافق عليا انتم فين وانا فين .. انا هاشوف طريقه ابعد بها فارس عني عشان ما سببلكوش احراج كلكم ..

فريده : بس فارس مش عاوز يبعد عنك وقال لماما انه مش هيتجوز احد غيرك وانك الانسانه الوحيده اللي حبها ... ليه انت عاوزه تبعدي عنه .. كده كده ماما غصبا عنها هتقتنع بيكي وهتوافق على الجوازه لانها مستحيل ت**ر بخاطر ابنها .. ولا ترفض عشان ما تخسرش فارس ..

حور : بس انا مش عاوزه جوازتي من فارس تكون بالطريقه دي مش عاوزين نتجوز غصب عني مامتك .. انا مش عاوزه ابدا حياتي معه بالاسلوب ده لازم طبعا تكون هي موافقه من قلبها .. مش عاوزاها تكرهني ولا تفتكر اني اخذت ابنها منها او اني طمعانه فيكم .. ربنا يعلم يا فريده ان عمري ما بصيت لفارس ولا لفلوسه بصه وحشه انا حبيته من قلبي وهو كمان بيحبني واكيد الظروف اللي انا فيها دي مش بإيدي والله انا طول عمري ش*يانه من وانا صغيره وبصرف على اهلي كلهم الحمد لله على كل حال .. بس لو مامتك فعلا مش موافقه على انا اللي هاقول لفارس ان انا مش هينفع نكمل مع بعض انا عارفه كويس هي ما جتش ليه النهارده العزاء عشان توصل لي رساله انها مهما عملت مش هتوافق على انا كده فهمت هي ما جتش ليه النهارده ...

فريده : ماما تعبانه وما قدرتش تيجي ..

حور : ما تخبيش علي يا فريده انا عارفه كويس ايه اللي بيحصل .. وهم واقفين يتكلموا الباب فتح

يتبع