في قلوب العاش*ين

البارت العاشر من الجزء الثاني

فارس .. فارس ثاني يوم راح الشغل بتاعه وكان عمال يحاول يتصل ب حور ولكن ما كانتش بترد عليه وهو قاعد في المكتب لقى باب المكتب بيتفتح و اسما بتدخل ..

اسما : كنت متاكده انك هتيجي النهارده الشغل انت امبارح مشيت وسبت المكتب عشان ما تشوفنيش يعني ..

فارس : لا مش عشان كده بس انا مش شايف ان كلامك ليه لازمه يا اسما انا مش عاوز اسمع منك اي كلام لان الموضوع ده خلاص اتقفل بالنسبه لي ومش هافتحه ثاني .. مستحيل اني ارجعلك ثاني يا اسما وبعدين انا دلوقت ها خطب واحده ثانيه يا ريت ما تتكلميش معي في الموضوع ده ثاني .. انا دلوقت بتعامل معك انك بنت عمي مش اكثر ..

اسما : وانا عمري ما هاقدر اطلع الكلام ده من دماغي يا فارس انا وانت هنرجع لبعض وهنتجوز وانت مش هتتجوز البنت اللي اسمها حور دي .. ما فيش احد موافق ومامتك مش راضيه على الجوازه يعني انت هتتجوزها غصب عن امك ؟

فارس : والله دي حاجه متخصكيش وياريت ما تدخليش بيني وبين اهلي يا اسما ..

اسما : على العموم انا كلمت حور وهي اكيد عرفت ان ما ينفعش ان الموضوع ده يتم اصلا ..

فارس : انتي رحتي كلمتي حور ! والله ما هاعدي لك الموضوع ده .. عشان كده هي مش بترد علي من امبارح .. فارس ساب اسما وراح بسرعه على المكان اللي حور بتشتغل فيه .. اول ما اوصل نده عليها وقال لها : انت مش بتردي على تليفوناتي ليه يا حور ..

حور : لو سمحت يا فارس انا عندي شغل كثير قوي النهارده مش هاعرف اتكلم معك دلوقت ..

فارس : سيبي اللي في ايدك ده يا حور .. وراح واخذها من ايديها ودخل على المكتب جوه قال لها : انتي في ايه اللي حصل من امبارح للنهارده مش بتردي علي ولا بتكلميني خالص ممكن افهم ايه اللي حصل ..

حور : ما فيش اي حاجه حصلت يا فارس بعد اذنك انا اليومين دول بافكر في شغلي وفي اهلي بس عشان احنا عندنا ظروف خاصه .. بعد اذنك لما الاقي نفسي اني قادره اتكلم معك هاكلمك

يتبع