في قلوب العاش*ين

البارت الحادي عشر من الجزء الثاني

فارس : انا عارف كويس ايه اللي حصل انتي اسما اتصلت بك صح ..

حور : انت مين اللي قال لك الكلام ده لا ما كلمتنيش ولا قالت لي اي حاجه ..

فارس : ما تكذبيش علي يا حور اسما قالت لي انها كلمتك انت ازاي تخبي على حاجه زي دي .. انا مش هاسكت لها ولا هاسيبها تضايقك ..

حور : بس انا شايفه انها عندها حق يا فارس في كل كلمه بتقولها انا وانت ما نفعش لبعض ولا ينفع اننا نتجوز .. انت لازم تاخذ واحده من نفس مستواك مش هينفع الموضوع بتاعنا ده يكمل خصوصا ان مامتك مش موافقه اصلا ..

فارس : مين قال لك بقى ان ماما مش موافقه ..

حور : انا عارفه كويس انها مش موافقه ما حدش قال لي حاجه .. هو انا هاكذب على نفسي ولا ايه ..

فارس : ماشي يا حور انا هثبتلك ان ماما موافقه .. فارس سابها ومشي وروح على البيت وهو في كامل عصبيته دخل من البيت مامته قالتله مالك يا فارس في ايه .. طلع على الاوضه بتاعته جايب شنطه السفر وبدا انه يلم هدومه ..

عاليا : في ايه يا فارس ايه اللي حصل بتلم هدومك ليه ..

فريده : رايح على فين يا فارس ايه اللي حصل .. فارس : ما حدش ليه دعوه بي انا مش هاقعد في البيت ثاني ..

فريده : ليه يا فارس هتمشي وتسيبني تروح فين ده انا قاعده عشانك ..

فارس : عاوزه تيجي معي تعالى يا فريده بس انا مش هاقعد في البيت ده ثاني .. ماما مسلطه اسما تروح تكلم حور و توقع بيني وبينها .. وتقول لها انها مش موافقه على الجوازه خلاص ادام هي مش موافقه على الجوازه انا همشي واسيب البيت واعرف اتجوز حور بقي في شقه ثانيه .. انا مش عيل صغير ..

عاليه : مين قال لك كده يا فارس انا قلتلك اتجوزها انا ما عنديش مشكله بس هتقعد معنا في البيت عشان اعلمها عاداتنا وتقاليدنا .. اكيد انا كده ما قلتش حاجه غلط ..

فارس : انا عارف انت بتعملي كده ليه كويس بس انا مش هقعد في البيت ده لحظه واحده .. انت عاوزاني ارجع لواحده كانت بتستغفلني وبتكلم صاحب عمري من ورايا وعامله معه علاقه حب انتي نسيتي اللي اسما عملته معي .. انت ما بتحبنيش واهم حاجه عندك المظاهر ..

عاليا : انا فارس يا ما بحبكش انت روحي من جوه والله العظيم انا اهم حاجه عندي مصلحتك وانا شايفه ان البنت دي مش مناسبه لك .. بس لو انت هتمشي وتسيب البيت خلاص يا سيدي انا هكلمها بنفسي وهاقول لها تيجي تقعد معنا في البيت .. و هثبت لها ان موافقه .. فارس كان بيعمل كده عشان يضغط على مامته انها توافق على الموضوع لان هو عارف ان مامته مش هتستحمل انه يمشي ويسيب البيت ..

فارس : لا خلاص انا هامشي من البيت ومش هاقعد هنا ثاني ..

عاليا : باقول لك مش هتمشي من هنا يا فارس والله ما هتمشي وتسيبنا في البيت .. هاتي يا فريده تليفوني انا هاكلم حور مش ده هو اللي يرضيه .. فريده غمزت لفارس وراحت ادت عاليا تليفونها بسرعه .. طلعت رقم حور واتصلت بها قدام فارس ..

عاليا : ازيك يا حور عامله ايه ..

حور : ازي حضرتك يا عاليا هانم انا كويسه الحمد لله حضرتك عامله ايه ..

عليا : البقاء لله يا بنتي انا ما قدرتش اجي عشان كنت تعبانه شويه .. انا عاوزاكي في موضوع كده يا حور ممكن تجيء لي .. عاوزه اقابلك ..

حور : طبعا شوفي حضرتك عاوزه تقابليني امتى وانا هاجي لك على طول ..

عاليه : لو تقدري تيجي لي النهارده ماشي ..

حور : حاضر من عيني .. حور قفلت مع عاليا وهي مستغربه جدا يا ترى فارس عمل ايه عشان يخليها تكلمها ويا ترى هي عاوزاها فعلا عشان تثبت لها انها موافقه ولا عشان تحرجها بالكلام .. حور خلصت شغل وقالت انها هتروح عند عاليا عشان تشوفها عاوزه ايه وفارس قال لي مامته : خلاص يا ماما انا مش هامشي من البيت لو فعلا كلام اسما ده ما كانش صح عشان هي بتقول انك رحت قلت لها انك مش موافقه على حور وانك عاوزاها توقع بيننا .. وانا حتى لو ما كانتش حور دخلت حياتي انا عمري ما هارجع ليه اللي اسمها اسما دي ثاني خلاص .. انا راجل و قد كلمتي ..

عاليه كلمت حور غصب عنها عشان مش عاوزه تخسر ابنها الوحيد و تخليه يسيب البيت وكانت بتفكر هتقول ايه لحور لما تيجي . خرجت عاليا بره و ندهت على فريده قالت لها : تعالي يا فريده انا عاوزاكي لو سمحتي .. طلعت فريده بره عشان تشوف عاليه عايزه منها ايه ..

عاليه : عاجبك اللي بيحصل ده يا فريده يعني اخوكي عاوز يمشي ويسيب البيت عشان حته شغاله لا راحت ولا جت ..

فريده : اسكتي بقى يا ماما احسن يسمعك وانت بتتكلمي عليها كده ويمشي ويسيب البيت فعلا احنا مش عاوزين مشاكل ووجع دماغي .. انتي خلاص لازم ترضى بالامر الواقع و تعملي اللي انتي قلت له عليه .. عاليا : انا اصلا لحد دلوقت مش عارفه هاجيبها هنا وهاقول لها ايه .. انا هاقول لها ان هي هتيجي تقعد معنا هنا هي واهلها .. عشان ناخذ على بعض وخلاص امال اقول لها ايه يعني يا فريده .. انت عارفه كويس ان الجوازه دي انا مش موافقه عليها من اولها بس هاعمل كل ده عشان خاطر اخوكي ..

فريده : يا ريت وماما تبعدي عن اللي اسمها اسما دي و متدخلهاش خالص في الموضوع احنا مش عاوزين مشاكل ووجع دماغ ..

عاليه : انا كنت فاكره انها هترجع لاخوكي عقله و تخليه ينسى اللي اسمها حور دي .. ده كان بيحبها زمان جدا وهم بيتكلموا تليفون عاليا رن ..

يتبع