في قلوب العاش*ين البارت العاشر

1077 Words

كتابات ل ghada saeed في قلوب العاش*ين البارت العاشر بقلم / غادة سعيد عاليا : ايوة قولتلك عليها كده بس انا مش عاوزه العلاقه بينكم تكون كده دي مهما كان شغاله ولازم تعمل حدود معاها مش عاوزين اي حد يتكلم علينا يا فارس .... فارس : ايه الي انتي بتقوليه ده يا ماما اوي مرة اشوفك مدية موضوع اكبر من حجمه بالطريقه دي هو كلام المجنونه الي اسمها اسما دي آثر فيكي ولا ايه .... عاليا : اصل بصراحه حور حلوة اوي وتتحب فا انا خايفه عقلك يوزك ويخليك تسيب بنت عمك عشانها خصوصا ان علاقتكم مبقتش زي الاول خالص معرفش ايه الي حصلكم ..... كانوا واقفين يتكلموا و حور واقفه برة وسامعه كل الكلام و دموعها علي خدها و بقت تقول في نفسها هو انا زعلانه ليه دلوقتي مانا فعلا شغاله هو انا هنسي نفسي ولا ايه انا بشتغل عنده و مش هكون غير كده .... فجأه فارس فتح الباب و شاف حور واقفه والدموع في عنيها فهم انها سمعتهم و هما بيتكلمو عليها ..... حور : انا ... انا كنت جايه اسأل عالية هانم علي مكان هدوم ادم عشان اغيرله هدومه .... فارس : مالك يا حور انتي بتعيطي .... حور : لا ابدا الظاهر ان فيه حاجه دخلت في عيني .... هدخل انا اسأل عالية هانم دلوقتي علي هدوم ادم ..... دخلت حور و ادم مشالش عينه من علها وهو بيقول في نفسه انها اكيد سمعت الكلام بينهم ... حور : انا كنت جايه اسال حضرتك على هدوم ادم فلقيت الباب مقفول .... عاليا : اه يا حور هدوم ادم هتلاقيها عندك في الدولاب فيه حاجه تانيه عايزه تعرفيها .... حور : لا مش عايزه اعرف اي حاجه بس انا اسفه يا مدام عاليا في اللي هاقولهولك ده انا دلوقتي كنت واقفه بره غصب عني سمعت كلام بينك وبين الاستاذ فارس هو انا عملت ايه لكل ده انا والله ما فيش في نيتي اي حاجه ولا في قصدي اني ابوظ علاقته ب استاذه اسما وهو اكيد بيتعامل معايا على اني واحده غلبانه مش حاجه ثانيه خالص .... عاليا : لا طبعا يا حور انتي فهمتي ايه انتي شكلك فهمتي الكلام غلط خالص انا ما كانش قصدي كده كنت بحاول اصلح علاقته باسما لانها بصراحه متضايقه انه بيتكلم معاكي كتير وكده .... انتي عارفه بقى غيره البنات بتوع اليومين دول على خطيبهم بتبقى عامله ازاي وبعدين اوعي تزعلي من اي كلمه انا ما كنتش اقصد اضايقك ... حور : انا مش زعلانه من اي كلمه يا مدام عاليا انا فعلا لازم الزم حدودي وبعدين حضرتك ما قولتيش ولا كلمه غلط ما انا فعلا شغاله ولازم اعرف حدودي كويس انا خلاص مش هضايق حضرتك تاني ولا استاذه اسما ولو استاذ فارس بيسالني على حاجه بعد كده هرد عليه على قد السؤال في حدود شغل وبس .. عاليا : وانا مش طالبه منك حاجه غير كده عشان مش عايزين وجع دماغ و مشاكل مع المجنونه اللي اسمها اسما خليهم يتجوزوا و نخلص ... دخلت فريده وهما واقفين يتكلموا ... فريده : خير يا ماما في ايه في حاجه حصلت ولا ايه حور : ابدا يا فريده هانم ده انا جيت اسأل مامتك على هدوم ادم عشان اغير له هدومه اصل احنا من الصبح بنلعب بالالوان وهدومه اتوسخت من الالوان .... فريده : طيب يا حبيبتي خلي بالك منه انا مأمنه عليه معاكي اكتر من نفسي انتي ما فيش زيك يا حور .... حور : يارب اكون اد الثقه دي يافريده هانم ..... دخلت حور عشان تغيير لا دم هدومه في اللحظه دي وصل كريم صاحب فارس .... كريم : سلام عليكم يا جماعه ازيك يا فريده انتوا وصلتوا امتي انا ما اعرفش انك وصلتي بالسلامه .... فريدة : ازيك يا كريم عاش من شافك عامل ايه لسه زي ما انت ولا اتعدلت .... كريم : ههه لا طبعا لسه زي ما انا عمري ما هتغير انا فرحان ب حياتي كده ولا فيه ارتباط ولا وجع دماغ عايش حياتي بالطول والعرض ... فريده : ربنا يهد*ك يا كريم انا عاوزاك تراجع نفسك انا قاعده شهرين عاوزه احضر خطوبتك ... كريم : لا يبقى تسافري وتيجي كمان 13 سنه كده اكون قررت اني اخطب و اتجوز فريده : لا ده انت لسه دماغك ناشفه زي ما انت بارك بقى لصاحبك خلاص قرب يحدد الفرح ... كريم : مغفل ياما نصحته ما بيسمعش كلامي جواز ايه الي عاوز يتجوزه ... فريده : اسكت بقى خلينا نخليه يتجوز ونخلص ما تقعدش تلعب في دماغه انا عارفاك مش عايز حد يتجوز ابدا ... كريم : طول عمرك فاهماني يا فريده ... وحازم عامل ايه هاطلع اسلم عليه ... فريده : حازم كويس الحمد لله بس هو مش موجود دلوقتي راح في مشوار شغل خليك قاعد معانا لحد ما يجي وابقى اطلع سلم عليه كريم : امال فين حور مش شايفها يعني انت مشتوها ولا ايه ... فريده : ايه ده انت كمان تعرف حور لا طبعا ممشنهاش ومش هنمشيها هي اللي زي حور دي يمشي دي ما فيش زيها ... كريم : عندك حق فعلا دي حته قمر ... فريده : انت كمان بتعا**ها طب والله لاقول لماما وهتشوف هتعمل فيك ايه ... كريم : لا لا والنبي الا طنط عاليا انا باهزر .... نزلت حور و كريم واقف يتكلم هو و فريده .... كريم : ازيك يا حور عاملة ايه .... حور اهلا يا استاذ كريم الحمد لله كويسه .... فريده : يلا اطلع شوف صاحبك و باركله علي جوازه وحاول تعقله وتخليه يراجع نفسه بس من غير متقوله اني قولتلك حاجه .... كريم : من عنيا بس ممكن يا حور تاخدي تليفوني ده تشحنيه شويه عشان هيفصل شحن ونسيت شاحني ... حور : حاضر يا استاذ كريم هاته .... خدت حور تليفون فارس عشان تحطهوله عالشاحن و اول ما حطته لقيته بيرن فضولها خلاها تبص مين الي بيتصل لقت مكتوب آسما ..... استغربت جدا ان اسما بتتصل ب كريم و ايه علاقتها بيه اصلا كانت عاوزه تفتح التليفون وتشوف الكلام بينهم لكن خافت ان اي حد يشوفها وقالت وانا مالي حاجه مليش دعوة بيها ايه الي يدخلني فيها ..... طلعت بره و كريم ندهلها انها تجيبله كوبايه مايه خدت المايه وطلعتله حور : اتفضل يا استاذ كريم .... كريم : تسلم ايدك يا حور احلي ميه شربتها في حياتي .... فارس : خدي الصنيه يا حور و اطلعي دلوقتي ..... خدت حور الصينيه و فضولها خلاها تقف و تسمع بيقولوا ايه ..... فارس : مش هتبطل اسلوبك ده شويه حور بنت محترمه مش زي مانت فاهم كريم : هو انا عملت ايه يا عم انا ببدي اعجابي بيها مش اكتر .... فارس : لا عشان انا عارف اسلوبك ده كويس فا بلاش الطريقه دي مع حور .... كريم : وانت مالك محموق كده ليه هي حد من اهلك يتبع ..

Free reading for new users

Scan code to download app

App Store Google Play

Facebookexpand_more