في قلوب العاش*ين

في قلوب العاش*ين البارت الثالث من الجزء الثاني

تليفون فارس رن ومامته كانت بتتصل به وتقول له : انت فين تعال لى دلوقت حالا ...

فارس : انا لسه عند المستشفى يا ماما هاروح اوصل حور ومامتها لحد البيت وبعد كده هاجي ..

مامت فارس : انا باقول لك اني عاوزاك دلوقت حالا .. فارس : هاخلص وهاكلمك يا ماما قفل فارس مع مامته وهو مش عارف هي عاوزه ايه وما كانش يعرف انها عامله مشكله كبيره في البيت و قالبه الدنيا ...

فريده : في ايه يا ماما ما لك انت بتتكلمي مع فارس بالطريقه دي ليه ..

عاليه : اسكتي يا فريده انت ما تعرفيش حاجه اخوك ناوي يفضحنا و يناسب ناس مش شبهنا خالص ..

فريده : ايه اللي انت بتقوليه ده يا ماما الفقر مش عيب ودي حاجه مش بإيديها انها اتولدت فقيره كان ممكن احنا اللي نكون مكانها ..

عاليه : انا ما قلتش ان الفقر عيب بس ربنا خلقنا طبقات وكل واحد ياخد اللي من نفس مستواه .. انا مش هقبل بجوازه زي دي ..

فريده : بس فارس عاوزها يا ماما وهو بيحبها وموافق عليها ما تقافيش قدامه حرام عليكي ..

عاليا : انا لي كلام ثاني مع ابوكي انا مش ناقصه فضائح .. ازاي ابوكي موافق على الكلام ده .. دي حاجه تمس اسمنا وسمعتنا .. الناس كلها هتتكلم علينا بالطريقه دي .. عاليا راحت تتكلم مع جوزها في موضوع خطوبه فارس وحور و فارس راح يوصل حور و مامتها .. مامتها طول الطريق كانت عماله تعيط وحور كمان كانت بتحاول تهديها بس ما كنتش قادره تمسك نفسها من العياط ..

فارس : اهدوا ان شاء الله كل حاجه هتتحسن وهتبقى كويسه وصلوا عند البيت وفارس طلعهم لحد فوق لان هم ما كانوش قادرين يمشوا خالص ..

مامت حور : تعال يا ابني ادخل اقعد معنا انت تعبان معنا من الصبح ... معلش يا ابني البيت مش قد المقام ..

فارس : لا والله يا طنط انا بس مش عاوز ادخل عشان اسيبكم ترتاحو لانكم من الصبح بدري وانتم في الشارع و هبقى اجي اخذ كم بكره الصبح نروح عند عمي المستشفى ..

حور : خلي بالك من نفسك يا فارس وانت مروح عشان الطريق ظلمه وابق كلمني طمئني ..

نزل فارس تحت وراح على البيت اول ما فتح الباب فريده جريت عليه وقالت له : اطلع اوضتك عشان ماما هتفتح لك تحقيق دلوقت وانت اكيد مش فايق لي كلامها دلوقتي ..

فارس : هتفتح لي تحقيق دلوقت ليه هو في حاجه حصلت ..

فريده : مش عارفه انا مش فاهمه منها قوي الكلام .. فارس : لا انا فاهم كويس هي عاوزه تتكلم على ايه وعيب اللي هي عاوزه تتكلم فيه ده .. فيها ايه يعني ما هي عارفه ان حور اهلها غلابه هي كانت فاكره انها هتجيء تلاقي مامتها عامله ازاي .. انا حبيتها على الوضع ده و عمري ما اتخلى عنها ولا هسيبها يا فريده .. فريده : كلامك كله صح يا فارس بس قدر اللي ماما فيه ماما دلوقت مصدومه عشان هي كانت فاكره انك هتتجوز واحده من العيله بتاعتنا .. او واحده من نفس مستوانا وانت فاجئتها .. انا والله مش باقول حاجه على حور انا باحب حور جدا وهي بنت محترمه وانا باحبها لكن لازم تقدر الظروف اللي ماما فيها .. وهم بيتكلموا عالية جاءت وقالت له : انت شرفت يا استاذ فارس يا اللي بتمشي بي دماغك بكل حاجه .. بس المره دي مش هتمشي بدماغك يا فارس لان الموضوع ده يمس اسمنا وسمعتنا كلنا .. مش هينفع تعمل اللي انت عاوزه المره دي .. الجوازه دي لا يمكن تتم ..

فارس : ايه اللي انت بتقوليه يا ماما انا خلاص هتجوز حورو خطوبتنا قربت بس باباها يقوم بالسلامه ان شاء الله وبعد كده هنتجوز ..

عاليا : مش هتتجوزوا يا فارس ومستحيل تمشي اللي في دماغك ..حور مين دي اللي تتجوزها انت مش شايف مامتها وهي عاملين ازاي ..

فارس : والله يا ماما دي حاجه ما تعبهمش ناس على قد حالهم ايه المشكله يعني ..

عاليا : المشكله انهم بيبصوا للي اعلى منهم هي المفروض تتجوز واحد من نفس مستواها ليه تبص لواحد اعلى منها ..

فارس : او لا يا ماما هي مبصتليش انا اللي طلبت اني ارتبط بها .. ثانيا حور احسن واحده قابلتها في حياتي على الاقل بتحبني ومش بصه لمستوايا ولا بصه اي حاجه ع** البنات اللي شفتهم قبل كده لو سمحتي يا ماما اقفلي بقى الموضوع ده عشان انا تعبت من كثر الكلام في حاجات ملهاش لازمه .. انا مش هتجوز غير حور ومش هامشي بدماغكم ثاني لما مشيت بدماغكم وخطبت اسما ايه اللي حصل بعد كده ..

عاليه : انت ما مشيتش بدماغنا انت كنت بتحب اسماء وخطبتها ..

فارس : خطبتها من كثر الزت بتاعكم انكم عاوزني اتجوز .. لكن انا خلاص يا ماما انسى موضوع اني اسيب حور ده ..

عاليه : على العموم انا مش هاتكلم دلوقت غير لما باباها يقوم بالسلامه بعد كده هنبقى نشوف هنعمل ايه ..

فارس : ان شاء الله بس عاوزك تحطي الكلام ده في بالك اني مش هاسيب حور .. عاليا مشيت وسابتهم وهي متضايقه ..

فريده : ما تزعلش يا فارس بس قدر ان ماما مصدومه دلوقت لانها مكنتش تتخيل انك تخطب حور و تحبها .. فارس : والله يا فريده حور دي احسن من ناس كثير جدا اعرفهم وعمرها ما بصيت للفلوس .. ده انا عرضت عليها اديها فلوس عشان تسيب الشغل رفضت خالص وقالت لي مش هينفع اخذ منك فلوس مع ان المرتب اللي هي بتاخذه ممكن اصرفه في ساعه .. يعني هي مش بنت وحشه وانت اكثر واحده عارفاها ..

فريده : انت هتقول لي على حور يعني يا فارس اكثر واحده وقفت جنبي لما ابني كان تعبان وهي ما كانتش تعرفني وكانت لسه جديده في الشغل .. انا شايفه انها كويسه جدا وهي دي اللي هتقدر تصونك وتشيل اسمك بس هنعمل ايه في العادات والتقاليد ..

فارس طلع فوق على اوضته واتصل به حور ..

حور : ازيك يا فارس عامل ايه طمني عليك وصلت البيت ..

فارس : ايوه يا حبيبتي وصلت الحمد لله طمنيني عليك انت ومامتك ...

حور : والله يا فارس ماما نفسيتها تعبانه جدا بسبب موضوع بابا وانا عماله اهون عليها بس هاعمل ايه يعني ..

فارس : معلش ان شاء الله هيبقى كويس وبخير ولو احتاج اي عمليه ما تقلقيش خالص ..

حور : مش عاوزه اثقل عليك يا فارس وبعدين مامتك شكلها متضايقه جدا .. انا شفت في عينيها انها مش موافقه على الموضوع بتاعنا اصلا لما كانت في المستشفى بس انا مقدره اللي هي فيه اكيد عايزه تجوزك واحده من نفس المستوى بتاعكم .. بس هاعمل ايه الفقر ده مش بإيدي .. وان شاء الله الايام هتثبت لها اني هصونك وما فيش واحده هتحبك زيي ..

فارس : مالكيش دعوه بموضوع ماما ده خالص انا هاعرف اخلصوا معها اهم حاجه دلوقت اني باباك يقوم لنا بالف سلامه وما يحصلش اي حاجه وحشه ..

حور : ادعي لي يا فارس اعدي المحنه اللي انا فيها دي على خير ..

فارس : بكره الصبح ان شاء الله هاعدي عليكي اخذك انت ومامتك ونروح على المستشفى لي باباكي على طول . روحي ريحي ونامي شويه عشان انت كان شكلك تعبانه جدا ومرهقه ..

حور : انا فعلا تعبانه جدا يا فارس من الوقفه على رجلي طول اليوم .. قفلت حور مع فارس ودخلت عند مامتها اللي كانت قاعده على السرير وعماله تعيط ..

حور : خلاص بقى يا ماما ان شاء الله بابا هيبقى كويس ما تقلقيش ..

مامت حور : لا يا حور انا حاسه اني ابوك هيجراله حاجه ...انا خايفه عليه قوي ..

حور : ما تقعديش تقولي كده ان شاء الله بابا هيبقى كويس و هيبقى احسن من الاول كمان .. انا هدخل انام شويه وانت كمان نامي عشان فارس قال لي انه هيعدي علينا الصبح بدري ونروح على المستشفى ..

مامه حور : والله استاذ فارس ده محترم جدا واقف جنبنا ربنا يبارك لك فيه يا بنتي يا رب .. بس انا حاسه ان مامته متضايقه من وجودنا ومش موافقه على الجوازه دي

حور : طبيعي طبعا يا ماما هي ما تعرفناش كويس واكيد فاكرانا طمعانين فيهم .. بس ان شاء الله لما بابا يقوم بالسلامه انا هتثبت لها اني مش كده خالص ولا عمري كنت كده .. يلا تصبحي على خير يا ماما .. دخلت حور تنام واول ما حطت دماغها على المخده حلمت ان اسنانها بتقع وكانت عماله تصرخ في الحلم قامت مفزوعه ودخلت عند مامتها لقيتها لسه صاحيه قالت لها : يا ماما انا حلمت ان اسناني بتقع هو كده معناها ايه ..

مامتها قالت لها : معناه ان ابوكي خلاص هيموت ..

حور : ما تقوليش كده يا ماما على بابا .. بابا ان شاء الله هيبقى كويس وهيرجع معنا البيت .. قومي يلا جهزي نفسك عشان فارس زمانه جاي لنا .. قامت حور ومامتها يلبسوا وبعد كده تليفون حور رن واول ما ردت

يتبع