في قلوب العاش*ين

في قلوب العاش*ين البارت الثاني من الجزء الثاني

البارت الثاني من الجزء الثاني

حور لقيت مامتها بتتصل بها استغربت جدا ان مامتها بتكلمها وهي لسه نازله وهي كمان قائله لها انها رايحه تقابل ديما ... يا ترى في ايه .. فتحت التليفون لقيت مامتها عماله تعيط وتقول لها : الحقيني يا حور ابوكي تعبان جدا وما بيتكلمش ..

حور : ازاي يا ماما الكلام ده اقفلي انا جايه حالا ..

ديما : في ايه يا حور .

حور : ماما بتقول لي ان بابا تعبان جدا انا لازم امشي دلوقت ..

ديمه : استنى اجي معك .. بس المشكله ان السواق اخذ العربيه عشان وراه مشوار ..

حور : مش هينفع يا ديما انت حامل وتعبانه روحي على البيت باي تا**ي او كلمي السواق .. انا لازم اتحرك دلوقت حالا .. مشيت حور زي المجنونه ومش لاقيه اي تا**ي توقفوا و ما فيش وقت .. كلمت فارس لانها كانت قريبه من الشركه بتاعته ورد عليها ..

فارس : ايوه يا حبيبتي عامله ايه ..

حور : الحقني يا فارس بابا تعبان جدا وانا في الشارع كنت مع ديما ومش لاقيه اي تا**ي اركبه ..

فارس : انتي فين بالضبط انا جاي لك دلوقت حالا .. حور قالت له هي فين وهو ركب العربيه وكان في خلال عشر دقائق قدامها .. ركبت جنبه وقالت له : معلش يا فارس بس ماما صوتها صعب جدا وعماله تعيط وشكل بابا تعبان جدا .. انا خايفه عليها قوي ..

فارس : ما تقلقيش ان شاء الله خير و مش هيحصل له اي حاجه .. وصلوا حور وفارس عند البيت لقيت اخواتها الصغيرين عمالين يعيطوا ومامتها عماله تعيط .. دخلت عند باباها لقيته مش عارف ياخذ نفسه وما بيتكلمش خالص ..

حور : طلبته الاسعاف يا ماما ..

مامه حور : ايوه طلبناها بس لسه ما جتش ..

فارس قعد يتصل بهم كثير وبعد 10 دقائق بالضبط الاسعاف كانت وصلت .. والدكتور اللي كان معهم قال لهم ان الا**جين ناقص جدا في جسمه ولازم يقعد على جهاز التنفس دلوقت حالا .. اخذوا على المستشفى وهم في عربيه الاسعاف كانوا مشغالين له الا**جين .. وصلوا على المستشفى و حطوه على جهاز التنفس ودخل العنايه المركزه ..

الدكتور خرج قال لهم : ان حالته صعبه جدا لازم تدخل جراحي لان عنده جلطه في القلب والعمليه هتبقى مكلفه جدا عليهم ..

فارس قال للدكتور : شوف حضرتك كل التكاليف وما تقلقش خالص انا اللي هتكفل بالعمليه دي كلها ..

حور قالت له : مش عاوزه اثقل عليك يا فارس بس اوعدك ان الفلوس دي كلها هترجع لك ثاني ..

فارس : ايه اللي انت بتقوليه ده يا حور ما فيش الكلام ده بينا .. المهم اننا نطمئن على باباك ونتاكد انه بقى كويس .. و بعد كده نبقى نتكلم في الفلوس والكلام ده .. فارس وهو واقف مع حور تليفونه رن مامته كانت بتتصل به ..

عاليه : ايه يا فارس انت فين جيت لك الشركه لقيتك مش موجود ..

فارس : انا مع حور في المستشفى عشان باباها تعبان جدا ودخل العنايه المركزه و بيقولوا انه لازم يعمل عمليه ..

عاليا : في مستشفى ايه ابعث لي العنوان عشان اجي اطمئن عليه بنفسي ..

فارس قفل مع مامته وبعث لها العنوان وجاءت على طول عشان المفروض انها تطمن علي بابا حور لكن هي كانت جايه عشان تشوف شكل مامتها واخواتها .. وصلت عاليا هانم المستشفى لقيت حور كانت قاعده تعيط ومامتها قاعده جنبها لابسه عباءه كمها مقطع بصت لمامتها وكانت بتسلم عليها من طراطيف صوابعها وبصت لفارس نظره كانها بتقول له هم دول الناس اللي هنناسبهم انت شكلك هتفضحنا في العيله كلها ..

حور : تعبتي نفسك يا عليا هانم والله ما كانش له لزوم انك تيجى وتتعبي نفسك ..

عاليه : ما لوش لزوم ازاي بقى يا حور انت غاليه عندي وبعدين احنا عشره ولا انت نسيت انك كنت بتشتغلي عندنا في البيت كذا شهر .. فارس ساعتها بصلها جامد واخدها على جنب وقال لها : ايه اللي انت بتقوليه ده يا ماما .. حور دي هتبقى خطيبتي كمان كم يوم ازاي تقولي عليها الكلام ده ..

عاليه : ما هو واضح النسب اللي احنا هنناسبه دي .. الناس كلها هتاكل وشنا وسيرتنا هتكون على كل ل**ن حرام عليك اللي انت بتعمله فينا ده .. انت ازاي مش مقدر احنا عائلتنا كبيره ولها اسمها وسمعتها وما ينفعش وريث العيله الوحيد يتجوز اي جوازه .. ده في بنات من عائلات كبار جدا هيموتوا عليك سايب كل البنات اللي بتجري وراك دي ورايح تبص لحته شغاله يا خساره تربيتي فيك ..

فارس : ماما بعد اذنك روحي دلوقت حالا عشان انا مش مستحمل اي كلام من كلامك ده بعد اذنك روحي البيت دلوقت حالا ..

انا مش عاوز توتر و تعب اعصاب وبعدين حور مش ناقصه سيبيها في اللي هي فيه ..

عاليا اول ما سمعت كلام فارس ده راحت واخذه بعضها وماشيه من غير ما تسلم على الناس اللي موجودين وقالت لفارس قبل ما تمشي : احنا لينا كلام ثاني لما تروح البيت .. فارس قعد يهدي في حور في المستشفى ويقول لها انه هيبقى كويس ان شاء الله حور : انا حاسه ان بابا المره دي هيجراله حاجه بجد لانه اول مره يحصل له كده انا والله يا فارس ما قصرت معاه خالص وكنت باشتغل عشان اجيب له العلاج مش عارفه ايه اللي حصل ده .. وهما واقفين يتكلموا و

الدكتور خرج وقال لهم : احنا عاوزين متبرع بالدم دلوقت حالا ..

حور : انا هتبرع لبابا ..

فارس : لا طبعا مش هينفع انت نسيتي اللي حصل لك لما اتبرعتي لادم اخر مره انت جسمك ضعيف وما ينفعش تتبرعي بالدم ومامتك ست كبيره ما فيش حد هنا غيري يتبرع بالدم .. دخل فارس عشان يتبرع لباباها بالدم اخذوا منه الدم ونقلوا لباباها خرج فارس حور قربت منه قالت له : انا مش عارفه اقول لك ايه والله انا تعبتك معي روح البيت عشان انت اكيد حاسس بدوخه من الدم اللي سحبوه منك ..

فارس : مش هاروح البيت غير لما اوصل لكم انتم الاول .. قعدوا حوالي ساعتين والدكتور خرج قال لهم : مش هينفع حد يقعد معه في العنايه المركزه م***ع اي مرافق داخل العنايه المركزه ..

فارس : لازم تروحوا دلوقت عشان اخواتك الصغيرين اللي قاعدين في البيت لوحدهم ..

حور : طيب يا دكتور حتى مش هينفع استنى هنا معاه بره ..

الدكتور : وجودك ملهوش لازمه يا انسه روحي البيت وابقي تعالي بكره ان شاء الله ..

مامت حور : خلاص يا بنتي تعالي نروح ونبقى نيجي له بكره عشان فعلا اخواتك الصغيرين قاعدين كل ده لوحدهم .. شكرا يا استاذ فارس علي وقفتك جنبنا مش عارفه اقول لك ايه يا ابني .. انت انسان محترم والله فارس : ما تقوليش اي حاجه انت مش عارفه غلاوة حور عندي قد ايه وانت كمان زي والدتي بالضبط ..

مامت حور : ربنا يخليك يا ابني و يكرمك يارب ..

فارس : طيب يلا بقي عشان اروحكم علي البيت ..

نزلوا من المستشفي و هما رايحين يركبوا العربية تليفون فارس رن ..

يتبع.