في قلوب العاش*ين البارت السادس عشر

2345 Words

في قلوب العاش*ين البارت السادس عشر بقلم /غاده سعيد وصلوا عند البيت وكانت حور متضايقه جدا من الكلام اللي اسما قالته في الشركه عليها وفضحتها بيه ...... اول ما عاليا سمعتهم جم عند الباب طلعت تجري وهي شايطه ومش طايقه حور .... فتحتلهم الباب و فارس دخل و حور جت تدخل .... عاليا : انتي رايحه فين .... دا اخر يوم ليكي هنا من فضلت روحي اوضتك و لمي هدومك كده ب هدوء ... امشي يا حور احنا مش عاوزين فضايح اكتر من كده ... حور : انا الي عملت الفضايح يا استاذة عاليا انا همشي بس مش همشي عشان كلامك صح انا همشي لأني عمري ما توقعت ان حضرتك تظني فيا الظن ده .... و عند حضرتتك استاذ فارس ابقي اسأليه انا عملت ايه عشان تعرفي انك ظلماني و اني معملتش حاجه والله ... عاليا : انت اتخطيتي حدودك بشكل مبالغ فيه يا حور واحنا عيلة كبيرة مش عاوزين فضايح انا نفسي لاحظت نظرات فارس ليكي خلاص يا حور الموضوع انتهي بعد إذنك لمي هدومك وتعالي خدي باقي حسابك و امشي و ان شاء الله تلاقي ناس تانيه كويسيين تشتغلي عندهم وترتاحي مشكلتك انك بصيتي ل اعلي منك و ده مكنش ينفع يا حور من الاول كان لازم كل واحد يلزم حدوده بس انا اتعاملت معاكي انك مش مجرد شغاله كنت بعاملك كأنك بنت ليا و دي غلطه انا عملتها عشان كل ده هيجي فوق دماغي فالاخر ..... حور كانت بتسمع الكلام و هي مذهوله مش مصدقه ان عاليا بتقول عليها الكلام ده و اسما كانت واقفه ورا عاليا وعنيها كلها حقد و بتضحك في وش حور ب منتهي الخباثه عشان تضايقها اكتر و فريده كانت فوق بتنيم ادم و مكنتش تعرف ان مامتها هتعمل كل ده مع حور ..... حور راحت علي اوضتها قعدت تعيط ب حرقه و تمسح المكياج من وشها قدام المرايا و قلعت الهدوم بتاعه فريده و طبقتها وحطتها عالسرير مع الا**سوارات و باقي حاجه فريده و لبست هدومها القديمه المقطعه و لمت باقي الهدوم في شنطه بلاستك و قعدت تكلم نفسها و تقول : ايوة انا زعلانه ليه هي عندها حق انا بصيت ل اعلي مني انا فعلا شغاله و مينفعش انكر اني شغاله انا غلطت اني افتكرت اني واحده منهم مهما كان عمرهم ما هيحسوا اني منهم .... قعدت تعيط و لمت هدومها و فريده نزلت من فوق ... فريده : في ايه يا ماما انتي كنتي بتزعقي مع مين كنت سامعه صوتك بس معرفتش انزل عشان ادم كان عاوز ينام .... اوعي تكوني زعلتي حور بالكلام ... عاليا : انا مزعلتهاش بس قولتلها الي المفروض كانت تسمعه من زمان انا مشيتها من البيت خلاص ومش هترجع هنا تاني علي جثتي انها تدخل البيت ده تاني برجليها .... فريده : انتي بتتكلمي جد يا ماما ليه بس عملتي كده حرام عليكي مش تسمعي منها الاول بعد كده تقرري .... عاليا : مش محتاجه اسمع حاجه الموضوع واضح زي الشمس و هي عارفه هي بتعمل ايه كويس هي مش هبلة البت دي طلعت مش سهلة خالص زي ما كنت فاكرة .... اول مرة اتخدع في حد بالطريقة دي و مبقاش فاهمه الإنسان الي قدامي خالص ..... فريدة : ليه كده بس يا ماما ... انتي شكلك حد مسخنك جامد علي حور مش عارفه ليه .... كانت بتقول الكلام ده و بتبص علي اسما الي كانت بتضحك ضحكه صفرا .. _ مبسوطه يا اسما خليتي واحده انقطع عيشها عشان تفرحي انتي .... انتي فاكرة كده ان فارس هيفرح بيكي دا لما يعرف هيكرهك اكتر عشان حور ملهاش اي ذنب ب مشاكلكم دي ليه كده يا اسما ضميرك مبيأنبكيش ... اسما : لا مبيأنبنيش هي غلطت و بتاخد جزائها دلوقتي متشيلنيش ذنب واحده هي الي جنت علي نفسها ب ايديها انا مالي حد قالها تبص للي اعلي منها ... بصي يا فريده حور دي انسانه طماعه و خدت جزائها خلاص بقي متكبريش الموضوع اوي كده و تروح شغاله هيجي غيرها عشرة احنا حياتنا مش واقفه عليها يعني .... فريده : انتي ازاي قلبك اسود كده و ايه كمية الحقد وال غل الي في قلبك دي من ناحيتها حرام عليكي يا اسما البنت معملتش حاجه لكل الي عملتيه ده .... انا هروح اشوفها يا ماما و اراضيها ب كلمتين ..... عاليا : والله لو قولتلها تقعد تاني ولا انتي بنتي ولا اعرفك انا حرة في بيتي اسيب الي احبة و امشي الي ما يعجبنيش .... فريده : هي بقت كده يعني يا ماما .. يعني ده مش بيتي زي مهو بيتك شكرا اوي يا ماما علي اسلوبك معايا .... انا عالعموم مش هتدخل في اي حاجة متخصنيش و هطلع علي اوضتي و هعجل بالسفر كمان ..... وراحت فريده سايبه مامتها و طالعه علي فوق و مراحتش عند حور بعد الكلام الي مامتها قالته ده .... و اسما طبعا كانت في قمة السعادة عشان البيت والع حريقه وكله زعلان من كله وهو ده الي كانت عوزاه .... فريده قعدت تفتكر مواقف حور الكويسه معاها ولما كانت قلقانه علي ادم بجد و مترددتش لحظه برغم انها تساعد ادم وتتبرعله بدمها برغم انها تعبانه ..... مقدرتش تستحمل و انهارت من العياط و راحت ل فارس الاوضه بتاعته كان في الحمام قعدت مستنياه عشان تحكيله الي حصل اول ما جم وهو طلع بسرعه و محدش باله ان مامته طردت حور .... خرج فارس فارس : خير يا فريدة مالك بتعيطي ليه ادم جراله حاجه ولا ايه طمنيني عليه .... فريده : لا يا فارس ادم كويس متقلقش ... انا بس زعلانه عشان ماما طردت حور من البيت من غير ما تسمع منها وانا حاسه انها كده ظلمتها معاها .... فارس : ايه ! طردت حور ازاي و امتي الكلام ده و ليه محدش جه قالي انا هنزل دلوقتي واتكلم معاها هي البنت عملت ايه ل كل ده يعني حاطنها في دماغهم ليه فريدة : كلة من اسما الزفت دي هي الي سخنت ماما خليتها مش طايقه تسمع اسم حور حور ولا حتي خليتها تدافع عن نفسها .... حور صعبانه عليا اوي يا فارس و كمان ماما جرحتها بلكلام اكيد دي اتعصبت عليا انا كمان كله من تحت راس الي اسمها اسما انا مش عارفه بتحبها علي ايه دي .... فارس سمع الكلام و نزل و هو شايط مش طايق يسمع اسم اسما خالص .... فارس : ممكن اعرف ايه الي حصل بالظبط خلاكي مشيتي حور من عندنا و قطعتي عيشها .... عاليا : اظن دي حاجه متخصكش انا هنا ست البيت و انا الي اقرر مين الي يقعد و مين الي يمشي و بعدين انا حاولت الم الموضوع بدل ما سيرتنا تبقي علي كل ل**ن .. فارس : هي فين الي اسمها اسما دي مش هي الي مسخناكي و قيلالك كلام اكيد محصلش .... عاليا : اسما روحت و بعدين مالها اسما دلوقتي بقت وحشه و هي الي مسخناني .... لا يا فارس انا بقالي كام يوم و حاسه ان فيه حاجه غريبه بينك و بين حور نظرتك ليها متطمنش خالص شوفتك الصبح و انت بتفتحلها باب العربيه وعينك كلها حب ليها عيب يا فارس انا امك و بحس بيك اكور من نفسك .... عاوز تخسر بنت عمك بعد كل الحب ده عشان شغاله ... عاوز تفضحنا فالعيلة كلها ... انا مش عارفه انت بتفكر ازاي ولا فين مخك انت عاوز الناس كلها تمسك سيرتنا ونبقي حديث الصحافه الفترة الجاية .... فارس : انتي جبتي كمية القسوة دي منين يا ماما عمري متوقعت انك كده خالص تقطعي عيش بنت غلبانه عشان سمعتي كام كلمه من واحده كذابة ... طيب و اسما قالتلك انها فضحتها قدام الشركه كلها و قالت عليها انها شغالة فالبيوت و قالتلك انها خليتها تمشي م**ورة بعد ما كانت طايرة من الفرحه بسبب الشغل ده طبعا مقالتلكيش هي عملت ايه معاها وقعدت تفتري عليها و انتي صدقتيها عشان انتي حاطه في دماغك ان حور وحشه و عاوزه تخ*ف ابنك منك صح .... هي حور فين دلوقتي يا ماما .... عاليا : بتلم هدومها و هتيجي تاخد باقي حسابها و ماشية ... فارس طلع يجري عشان يلحقها قبل ما تمشي لأنه عارف انها نفسها عزيزة جدا و مستحيل تاخد منهم فلوس بعد الكلام الي اتقالها من مامته ... لكن للأسف ملحقهاش و لقاها لمت هدومها ومشيت ... و سابت هدوم فريدة و ورقه مكتوب عليها كلام ... مسك الورقه و قعد يقراها .... _ عاليا هانم انا والله ما اعرف ايه سوء التفاهم الي حصل ده ولا كان نفسي اننا ننهي شغلنا مع بعض بالطريقة دي بس انا كنت حابة اقول ل حضرتك اني مش زي ما حضرتك فاهمة والله ولا عمري فكرت اني ابص ل فوق انا عارفه انا مين و عارفه حجمي كويس مش عوزاكي تزعلي مني بس انا فعلا معملتش اي حاجه من الي في دماغك انا كنت جايه اكل عيش و بس .... وحضرتك يا فريده هانم انا كنت عاوزه اقولك اني بحبك اوي بمثابة اخت ليا و مش عوزاكي تزعلي اني مشيت و سيبتكم اكيد والدتك عندها وجهة نظر عني و حضرتك يا استاذ فارس مش هنسي وقفتك جنبي انا عارفه اني بوظتلك شغلك و الله ما كنت اقصد ابوظلكم حياتكم زي ما عاليا هانم بتقولي بس انا اتفهمت غلط .... انا مش عاوزه بقيت حسابي يا عاليا هانم كفايا الايام الحلوة الي قضتها معاكم بكل الفلوس والله ..... فارس قرأ الورقه و كان حاسس ان قلبه بيتقطع علي حور و **رتها من تحت راس اسما خرج بره و سأل عم عبده عليها .... _ انا شوفتها ماشية و ماسكه كيس بلاستيك كان فيه هدومها تقريبا و سلمت عليا و مشيت بس كانت شكلها حزينة اوي و بتعيط هو ايه الي حصل يا فارس يابني ... = مجرد سوء تفاهم يا عم عبده و ان شاء الله هترجع تاني .... خرج فارس بره يدور عليها لكن مفيش فايدة كانت ركبت واختفت و روحت علي بيتها ..... دخل فارس البيت و مامته كانت قاعدة فالصالة تتف*ج عالتليفزيون .... عاليا : ايه رجعتها تاني طبعا و**رت كلامي كا عادتك .. فارس : مشيت يا ماما خلاص انتي فاكرة حور بعد كلامك ده هتقعد حتي لو قولتلها اقعدي .... انتي متعرفيهاش بقي هي عندها عزة نفس مش موجوده عند حد خالص .... عاليا : كويس انك انت تعرفها كويس اعرفها انا ليه ... طيب و ادتها بقيت حسابها ولا لا ... فارس : هي اصلا مشيت خلاص و مشوفتهاش وسابتلكم الورقه دي .... خدت عاليا الورقه عشان تقراها وفارس حس عليها تأنيب الضمير وقعدت تبص في الورقه كتير اوي .... فارس : إحساسك ايه يا ماما و انتي ظالمه واحده ملهاش ذنب كده ليه يا ماما قطعتي عيشها دي بتصرف علي اهلها كلهم ..... عاليا : كنت عاوزني اعمل ايه يعني اسيبك تضيع من ايدي و اقف اتف*ج عليك عاوز الناس تمسك سيرتنا ... فارس : و هي الناس لسه مش هتمسك سيرتنا ب عمايل بابا الي بيعملها دي و كل يوم مع واحده شكل الناس هتمسك سيرتنا عشان مشغلين بنت غلبانه عندنا انا مش عارف حضرتك بتفكري ازاي يا ماما لازم تراجعي نفسك عشان انتي والله ظلمتي البنت دي من تحت راس اسما و اسما هي الي غلطت فيها و كان المفروض تعتزرلها والله علي الي عملته فيها ..... عاليا : خلاص يعني اسما حب حياتك بقت دلوقتي وحشه و ظالمه البنت اول مرة اشوفك كده مع اسما يا فارس و عشان خاطر مين عشان خاطر حضرتك بتحب الشغاله .... ايوة متستغربش انت بتحبها يا فارس نظراتك ليها فضحاك وانا بقي مش هسيبك تضيع مني و هحددلك فرحك انت و اسما و علي جثتي لو الفرح ده ما تمش وانا عايشه .... الكلام انتهي يا فارس .... فارس : حضرتك تتحكمي في الي يخصك بس لكن حياتي دي تخصني انا بس و مش عاوز حد يتحكم فيها .... اسما خلاص كرهتها بسبب اسلوبها معايا و ده من قبل ما حور تيجي و حضرتك عارفه كده كويس يعني حور ملهاش علاقه ب موضوع اسما دا خالص هو موضوع يخصني انا و يخص نفسيتي انا قفلت من الي اسمها اسما دي .... كانوا واقفين يتكلموا و فريده نزلت علي صوتهم .... وقفت تتكلم معاهم ... فريده : ايه يا فارس هي حور فين رحتلها ولا لا ... فارس : حور مشيت يا فريده ومش هترجع تاني كله من تحت راس اسما هي كانت عاوزه كده و نفذت الي كان في دماغها بس انا كمان و هنفذ الي في دماغي و هفسخ خطوبتها ... عاليا : طيب اسمع بقي يا فارس لو عملت كده مع اسما اعتبر ان امك ماتت ... زي ما ابوك معتبرني كده .... وقفوا يتكلموا و حور كانت راكبه الاتوبيس غرقانه في احزانها و عماله تعيط و تفتكر اهلها الي كانوا عايشين بالفلوس الي بتجيبها و هي رايحلهم ايد ورا و ايد قدام معهاش غير تمن المواصلات الي ركباها و مش عارفه حتي هتقولهم هي سابت الشغل ليه ..... و في عز مهي قاعدة تعيط لقت واحده بتطبطب علي كتفها وتقولها مالك .... _ مفيش والله الظروف صعبة اوي و شايلة مسؤوليه فوق كتفي مش عارفه اعمل ايه وقعدت تحكي معاها عشان تخرج الي جواها شويه عشان مترحش عند اهلها وتنفجر .... = ياااه دانتي شايلة جواكي اوي ربنا يكون في عونك طيب بصي انا اسمي آية و بشتغل في كافيه قريب هنا ايه رأيك اشوفلك شغل معايا و اهو المرتب بتاعه اكيد هيساعدك لحد ما تلاقي شغل هما اصلا طالبين ناس ... والحلو كمان ان الشغل باليوميه يعني هتقدري تصرفي علي اهلك اليوم بيومه .... _ بجد ... يبقي كتر خيرك انتي ربنا حطك في طريقي انا كنت قاعده اعيط و اقول يارب دبرها عشان خاطر اهلي و ابويا المريض .. دا يبقي جميل بجد و عمري ما هنساهولك .... انتي متعرفيش شيلتي هم من علي قلبي ازاي يا آيه ... انا صحيح اسمي حور الكلام خدني و نسيت اقولك علي اسمي .... = اسمك حلو اوي يا حور اول مرة اسمعه ... شكلنا كده هنبقي اصحاب انتي شكلك طيبه اوي وانا قلبي انفتحلك .... انا راجعه من الشغل دلوقتي هكلملك صاحب المكان اول ما اروح استسمحه عشان تبدأي معانا من بكرة عشان انتي شكلك ظروفك صعبه .... يلا اديني رقمك بقي عشان اكلمك اأكد عليكي .... _ حاضر دا رقمي هستني منك مكالمه مش هنام غير لما تكلميني سواء وافق او رفض عشان لو كده اروح ادور علي شغل من الصبح بدري مش هينفع اقعد في البيت يوم واحد بعد كده .... = حاضر يا حبيبتي يلا مع السلامه .... سابتها اية و مشيت و كأن ربنا هو الي باعتها ليها في عز ما كانت كل الابواب مقفوله في وشها .... وصلت حور علي الشارع بتاعهم و هي بتقدم رجل و تأخر رجل و بتجهز كلام تقوله ل اهلها عشان اكيد هيسألوها اي الي حصل خلاها تسيب الشغل بالسرعه دي ... و في عز مهي سارحه في خيالها لقت حد بينادي عليها ... يتبع كتابات ل ghada saeed

Free reading for new users

Scan code to download app

App Store Google Play

Facebookexpand_more