في قلوب العاش*ين البارت الخامس عشر

1029 Words

في قلوب العاش*ين البارت الخامس عشر بقلم / غاده سعيد قربت اسما من الباب وحطت ودانها عليه وسمعت فارس وهو بيتكلم مع حور وبيطمن عليها وبيقول لها ان كل حاجه هتبقى كويسه ومش مهم الشغل اهم حاجه انها تبقى كويسه .... راحت فاتحه الباب فجأه ... فارس : في ايه يا اسما انتي بتفتحي الباب كده ليه فيه حد يعمل كده .... اسما : انت تسكت خالص انت حسابك معايا بعدين قعدت تعلى صوتها لحد ما الناس كلها اللي في الشركه اتلمت عليهم اول ما لقت الناس حواليها ملمومين راحت قايله : ما هو ما ينفعش برده يا فارس تجيب شغاله ما بتفهمش حاجه وتروح تشغلها موديل اكيد هتبوظ لك الشغل زي ما عملت دلوقتي ... عاجبك كده كل الشغل بتاعك باظ من ورا حتة شغاله .... كانت بتقول الكلام ده وحور الناس كلها بتبص عليها وكانت اعماله تعيط مش عارفه تعمل ايه منظرها بقى وحش قدام الناس وعرفوا انها بتشتغل في البيوت منظرها هيبقى ايه دلوقت قدامهم ما كانش في حد يعرف السر ده غير اسما وفارس وكريم .... مكنتش تعرف ان ممكن اسما تعمل فيها كده برغم كل الكره الي جواها من ناحيتها عمرها ما توقعت ان اسما تأذيها بالطريقه دي ..... فارس اول ما سمع الكلام ده كان في ذهول وكل اللي عملوا قعد يقول : اطلعوا بره كلكم مش عاوز اشوف حد هنا اطلعوا بره وطرد الناس كلها من الاوضه بتاعه حور ..... فارس : حور انا مش عارف اقولك ايه انا اسف بجد علي كل الي حصل ده دي واحده مريضه مش عارف هي ازاي قدرت انها تعمل كدة فيكي بسانا متوقعتش انها بالحقد ده خالص اسما اتجننت عالآخر شكلها كده .... ومبقتش عارفه هي بتعمل ايه .... حور : متتأسفش يا استاذ فارس هي عندها حق في كل الي قالته و انا مكنش ينفع اجي الشغل ده ... مكنش ينفع انسى نفسي ولا انسى انا باشتغل ايه كان لازم اعمل حسابي ان كل ده هيحصل انا هامشي يا استاذ فارس ومعلش هاتوا حد غيري وامسح الصور اللي عندك بتاعتي دي .... فارس : ايه اللي بتقوليه ده يا حور انتي مش هتمشي و هتكملي الشغل معايا مش اسما الي هتيجي تخرب الشغل و كده هننفذلها الي هي عاوزاه .... حور : بعد إذنك يا استاذ فارس انا مليش دعوة بالكلام ده كله و مشكلتك مع استاذة اسما حلوها مع بعض انا ماشيه .... شالت حاجتها فالشنطه و جت تقوم عشان تمشي وهي مندفعه و ناسية ان رجليها وجعاها ووارمة لسه .... جت تقوم راحت واقعه و فارس قام من مكانه لحقها عشان متقعش علي الارض مسكها ب ايده ..... فارس : انتي ازاي قايمه تمشي لوحدك انتي قادرة تقفي علي رجلك اصلا او تقومي من مكانك وبعدين انتي عارفه الطريق للبيت .... حور : هسأل عادي الي يسأل ميتوهش .... فارس : انا هروح البت معاكي اصلا ... يلا اسندي عليا وخلينا نمشي من هنا ..... مسك فارس ايد حور و خرج معاها والناس كلها كانت عماله تبصلهم وتتكلم عليهم .... ركبت معاه العربية وكانت ساكتة و دموعها في عنيها .. اسما راحت عند عاليا البيت سبقتهم ل هناك عشان تولع الدنيا حريقه قبل ما حور و فارس يوصلوا .... خبطت عالباب ..... و عاليا فتحتلها ... عاليا : خير يا اسما في ايه مالك انتي بتعيطي ليه .... اسما : يرضيكي كده يا طنط عاليا الشركه كلها بتتكلم علي علاقه فارس و حور نظراته ليها مش طبيعيه .... وكمان يرضيكي اروح الاقيه قاعد معاها في الاوضه ال بتغير فيها هدومها و بيتغزل فيها .... عاليا : ايه الي بتقوليه ده انتي بتتكلمي بجد ولا بتهزري .... اسما : ههزر في حاجه زي دي يا طنط الشركة كلها موارهمش سيرة غيرهم دلوقتي ... فارس حتي مقدرش منظري هيبقي ايه قدام الناس .... طيب حتي مبصش لمنظركم انتو كمان الناس تقول عليكم ايه لما تعرف انه بيحب شغاله ... خلاص يا طنط عاليا فارس نسي كل الي بينا عشان خاطر حته شغالة .... و قعدت تعيط دموع تماسيح ل عاليا .... عاليا حضنتها وقعدت تطبطب عليها وتقولها : إهدي يا اسما انا مش هسمح ان ده يحصل مش هخلي شغاله تاخد فارس مننا متخافيش يا اسما انا معاكي وفي ضهرك والبنت دي مش هتقعد يوم واحد تاني هنا .... نزلت فريده علي صوت عياط اسما .... فريده : خير يا ماما خير يا اسما فيه حاجه حصلت ولا ايه .... عاليا : تعالي شوفي يا ست فريده الي انتي بتدافعي عنها الي هتخلي سيرتنا علي كل ل**ن ..... فريده : تقصدي مين يا ماما مين دي اللي هتخلي سيرتنا على كل ل**ن .... عاليا : حور هي فيه غيرها الشركه كلها بتتكلم عليها هي واخوكي وعيلتنا سمعتها هتبقى في الحديد من تحت راسها البنت دي مش هتقعد ثانيه واحده هنا فريده : اهدي يا ماما لما تيجي هنفهم منها ايه اللي حصل .... عاليا : مش ها فهم منها كلمه تانيه البنت دي مش هتقعد هنا لحظه واحده بعد اللي بسمعه ده ..... خلاص كده دا اخر يوم هتشتغل هنا اول ما تيجي هتلم حاجتها وهتمشي فورا من البيت احنا مش عاوزين فضايح هنا .... فريدة : يا ماما متظلميش حد حرام عليكي اوعي تتكلمي عليها غير لما تسمعي منها الاول ..... عاليا : مش هسمع منها ولا كلمه تاني و عارفه لو اتدخلتي في الموضوع ده ولا انتي بنتي ولا اعرفك سامعه يا فريده الموضوع ده منتهي بالنسبالي .... اسما كانت بتسمع الكلام وهي منشكحه ومبسوطه اوي ان حور خلاص هتمشي وكل الي في دماغها هيحصل بالحرف الواحد ..... حور و فارس كانوا راجعيين فالسكه .... فارس : انتي هتفضلي ساكته كتير كده يا حور .... حور : هتكلم اقول ايه يا استاذ فارس اقول ان سيرتي بقي علي ل**ن الناس كلها عند حضرتك ولا اقول اني مليش ذنب فالظروف الي خليتني اشتغل فالبيوت غصب عني والله علي فكرة انا كنت شاطرة اويفي الدراسه بس للأسف خرجت منها عشان اقدر اشتغل و اصرف علي اهلي كان ممكن ظروفي تكون احسن من الي اسمها اسما دي بس اهي حكمه ربنا والناس مخلوقه طبقات .... انا كنت راضية ب عيشتي و حياتيو عمري ما حد احرجني ولا جرحني بالكلام بالطريقه دي قبل كده ..... الله يسامحها كرهتني فينفسي و عيشتي ... فارس : انتي الي زيك مينفعش يتكره خالص يا حور الي زيك لازم يتحب ... يتحب و بس حور كانت بتسمع الكلام وهي مش مصدقه ان حد زي فارس بيقولها الكلام ده و مكنتش تعرف الي مستنيها فالبيت هناك يتبع كتابات ل ghada saeed

Free reading for new users

Scan code to download app

App Store Google Play

Facebookexpand_more