في قلوب العاش*ين البارت الثاني

2108 Words

في قلوب العاش*ين البارت الثاني بقلم / غادة سعيد _ يلا يا بنتي ادخلي نامي دلوقتي عشان تصحى فايقه وتروحي للناس اللي طالبينك للشغل اوعى تتاخري عليهم من اول يوم كده ........... = حاضر يا ماما تصبحي على خير انا هدخل انام دلوقتي واصحى على الفجر اجهز بقيت حاجتي وانزل على الساعه سبعه كده .......... _ وانت من اهله يا بنتي يا رب ما شوفش فيكي اي حاجه وحشه ابدا ويكرمك زي ما انت كرمانه ......... دخلت حور تنام وهي كانت خايفه من اللي هيحصل بكره و حاسه ان هي راحه مكان جديد عليها مش عارفه الناس اللي فيه هيكونوا كويسين ولا لا خايفه يعملوها وحش و يغلطوا فيها بس سلمت الامر ل ربنا وقالت انها رايحه عشان تدور على لقمه عيش ها وتجيب اكل اخواتها وتصرف على دراستهم وتصرف على علاج والدها المريض ومامتها اللي تعبت من الشغل في البيوت نفسها تريح هم كلهم على حساب نفسها ..... ثاني يوم الصبح كانت مجهزه شنطه هدومها ومعهم الهدوم اللي صاحبتها اديتها لها لبست الفستان اللي صاحبتها اديتهولها وعملت شعرها ديل حصان كان شكلها حلو قوي شعرها بني وعيونها عسلي فاتح ........ نزلت الشارع وقابلت سيف ........ ( سيف ولد غلبان عامل باليوميه نفسه انه يكون نفسه ويروح يخطب حور ساكن جنبهم لكن عمره ما صرح بمشاعره ل حور ) ...... _ رايحه فين يا حور و ايه شنطه السفر اللي ماسكاها في ايدك دي .......... = ماشيه يا سيف جاي لي شغل بره عند ناس اغنيا انت عارف الظروف بتاعتنا اليومين دول عامله ازاي صاحب البيت عايز يطردنا منه عشان مدفعناش الايجار بقى لنا كثير وعلاج بابا خلص و مصاريف مدرسه اخواتي ودراستهم وماما كبرت على الشغل في البيوت ما فيش غيري اللي ينفع يساعدهم ......... _ وازاي يسيبوكي تباتي بره وانت بنت لسه متجوزتيش دي حتى مش اصول اهلك ازاي يوافقوا بحاجه زي دي بجد دول نزلوا من نظري جدا انا مش قادر اصدق ولا استوعب انهم يرموكي الرميه دي ........ = انا ما حدش رماني يا سيف انا عامله كل ده بإرادتي فمتجبش اللوم على اهلي هم ما لهمش اي ذنب وبعدين انا ما سمحش لاي حد انه يتكلم على اهلي ولا عليا بالاسلوب ده لو سمحت اتكلم معايا باسلوب كويس ...... _ خلاص يا حور انا كان كل همي انك تبقى مبسوطه كنت فاكر انك رايحه غصبن عنك لكن ادام ده بارادتك يبقى براحتك بس انا كنت باقول لك رايي انه ما ينفعش بنت تبات بره بيتها عشان الناس ما تتكلمش عليها وتمسك سيرتها انتي عارفه الناس عاملة ازاي ...... = اظن يعني ان دي حاجه ما حدش يتدخل فيها لان احنا ما فيش حد بيجي يدينا جنيه احنا ظروفنا زي الزفت بقى لنا فتره ما حدش عبرنا ولا ساعدنا يبقى اللي يتكلم هادي له فوق دماغه ........ لو سمحت انا لازم امشي عشان اتاخرت ..... سابته زينه ومشيت تروح تركب اي اتوبيس عشان توصل للمكان الي فيه العنوان اللي في الورقه اللي معاها ........ وهي راكبه الاتوبيس شافت الناس كل واحد شايل هم مختلف يا ترى الناس دي جواهم هم عامل ازاي باين عليهم شيل الهم كل واحد جواه قصه ما حدش يعرفها غيره وكل واحد بيشيل شلته لوحده قاعده تقول الحمد لله على كل حال احنا برده احسن من غيرنا المهم ان ابويا واخواتي يكونوا بخير مش مهم انا اتعب اهم حاجه اللي بحبهم اشوفهم احسن الناس ........ وصلت علي المكان زي ما مكتوب بالضبط لقيت فيلا كبيره مكتوب عليها فيلا فارس الشيمي بصت ع الورقه اللي في ايديها لقت موجود نفس الاسم عرفت ان العنوان صح ومظبوط ........ رنت الجرس ....... فتحلها البواب ...... _ اوؤمري يا بنتي بتدوري علي حد هنا ....... = لا انا جايه هنا عشان اقابل عاليا هانم بخصوص ال شغل اللي كانت طالباه انا البنت الجديده اللي هتشتغل هنا وجئت على حسب العنوان اللي في الورقه معايا اديتهولي صاحبه المكتب ......... _ شكلك مش وش بهدله خالص يا بنتي على العموم ربنا يكرمك في الشغل هنا اهم حاجه مدام عاليه تنبسط منك هي جوه دلوقتي و مدياني خبر انك جايه .. انا اسمي عم عبده حارس الفيلا هنا بقى لي اكثر من 25 سنه باشتغل عندهم هم ناس محترمين جدا بس ملهمش حظ مع الشغالات كل واحده تيجي تسرقهم وتمشي اهم حاجه عندهم الامانه لو بقيت امينه ونظيفه هيعيشوكي في عز عمرك ما شوفتيه ....... بس انت شكلك بنت حلال ومحترمه مش بتاعت الكلام ده ....... انا من اول ما شفتك وقلبي انشرحلك = ربنا يكرمك يا عم عبده يا رب سرقه ايه انا باخاف من ربنا لما اسرق ربنا مش هيكرمني في اي حاجه في حياتي انا عمري ما اعمل كده مستحيل ........ _ طيب يا بنتي اتفضلي في الجنينه عاليه هانم قاعده هناك ومستنياكي .......... دخلت حور الجنينه وهي عماله تتلفت حواليها تبص على منظر الزرع والبيت الكبير اللي شكله يفتح النفس وتدعي لهم ربنا يبارك فيه ......... وصلت عند مدام عالية ........ _ صباح الخير انا حور جيت لحضرتك بخصوص الشغل . = ايوة اهلا اهلا يا حور ايه الجمال ده شكلك صغيرة اوي معرفتش انك انتي خالص ........ _ لا انا عندي ٢١ سنه بس مايبنش عليا خالص شكلي صغير عشان جسمي قليل ....... = انتي اشتفلتي قبل كده يا حور ....... _ كنت بنزل شغل مع امي كتير لكن بصراحه اول مرة ابات بره البيت عند حد غريب لكن الظروف هي الي خليتني انزل شغل فيه بيات برة لأن والدي مريض واخواتي فالمدرسه وامي قاعده معاهم بتراعيهم ...... = انا اهم حاجة عندي الامانه ثم الامانه مش مهم عندي حاجه تاني غير الامانه وانك تشوفي شغلك كويس وتراعيه وانا الي تطلبيه عنيا ليكي انتي شكلك بنت حلال وبتاعة شغل ............. _ حاضر يا هانم ممكن تقوليلي المطلوب بالظبط ....... اعمل ايه و فيه طبخ ولا شغل بيت بس ...... = ايه دا انتي كمان بتعرفي تطبخي طب دي حاجه حلوة اوي احنا كل الاكل بنطلبه من بره اصل انا مبحبش وقفه المطبخ دي خالص فا بنطلب دليفري ...... _ اه طبعا دنا اكلي هيعجبك اوي تحبي اطبخلك من ايدي النهارده احط الاكل عالنار واشوف شغل البيت لسه بدري عالغدا هلحق اعمل متقلقيش ....... = طيب ماشي موافقه و لو عجبني اكلك فعلا مش هجيب اكل من بره تاني و هيبقي كده انتي بتشتغلي شغلنتين يعتبر و مرتبك هيتضاعف ويطلعلك مبلغ كويس اوي اوي ....... _ بجد يا عالية هانم طيب ربنا يكرمك يارب وانا اوعدك اني هكون عند حسن ظنك والله ....... انا هدخل دلوقتي عالمطبخ اغير هدومي و اروح اشوف هعمل اكل ايه هفاجئك بقي ....... = ياريت انا مستنيه اهو ادوق الاكل من ايدك ومتشوقه جدا بس انا حاسه ان انتي بنت حلال و غير اي حد جه قبل كده ......... _ ربنا يكرمك يا عالية هانم انا جاية اكل عيش و بس ... دخلت حور جوه علي المطبخ فتحت التلاجه قعدت تدور علي حاجه ممكن تعلمها علي الغدا لقت حاجات ممكن تعمل منها اكله جميله كانت شايفه طريقتها علي النت وقبل ما تبداء دخلت الحمام تغير الاول هودمها ولبست ترنج شيك من اللبس الل صاحبتها ادتهالها وطلعت برا علشان تجهز الاكل وتنضف المطبخ دخلت عليها عليا هانم _ ايه الريحه الجميله دي يا حور الاكل شكله ورحته تحفه ومفحفحه في البيت كله =بجد يا عليا هانم يارب يعحب حضرتك زي ما عجبتك ريحته _طب يلا بسرعه يا حور سيبي الاكل علي النار واطلعي بسرعه نضفي اوضه فارس علشان مبيحبش الحاجه بتعته مركببه وهو قرب يجي من برا = هو فارس ده يبقي جوز حضرتك يا عليا هانم _لاء فارس ده ابني الوحيد يا حور هتلاقي الاوضه بتاعته أول اوضه في وش السلم نظفيها كويس ونظميها واوعي تحركي حاجه من مكانها علشان بيحب النظام ومبحبش حاجه تتبهدل _حاضر يا عليا هانم من عنيا هطلع انضفها بسرعه وانزل اشوف الاكل طلعت حور علشان تنضف الاوضه كانت اوضه كبيره ومليان صور شاب وسيم كأنه ممثل أجنبي قعدة تتف*ج علي الصور واعجبت بيه جدا من الصور بس وكانت واقفه تتف*ج علي صوره كأنه متصور في أوربا وفجأة اتفتح باب الاوضه وهي كانت ماسكه الصوره ولقت نفس الشخص ال في الصوره قدام عنيها ارتبكت جدا وقفت ماكنها والصوره في ايدها _انتي مين وايه الل جابك هنا ودخلك اوضتي = انا انا حور وعليا هانم الل قالتلي اطلع انضف الاوضه دي وفي الوقت دي عليا هانم طلعت بسرعه علشان عارفه ان فارس بتعصب لما يسمع سيرة الشغالين _ تاني يا ماما تاني انا لسه الاب توب بتاعي مسروق من يومين رايحه تجيبي شغاله تاني علشان تسرقنا .. =لا يا فارس حور بنت مؤدبه وغير اي حد جلنا قبل كده اوعى تقول عليها حاجه _انتي كل مره تجيبي حد تقولي نفس الكلام وفي الاخر بنتسرق ويحصلنا مشاكل قولتلك بلاش شغالين تاني وهاتي شركه تنضيف وانتي مبتسمعيش الكلام ... كل ده حور واقفه مش مستوعبه الكلام الل بيتقال ازاي شخص عمره ما عرفها ولا اتعامل معاها يقول عليها الكلام ده حور : انا اسفه يا عليا هانم مكنتش اعرف اني هسبب لحضرتك مشاكل انا هاخد هدومي والم حاجاتي وأمشي تاني علي فكره يا استاذ فارس صوابعك مش زي بعضها مش علشان اتسرقت مره او أثنين يبقي الناس كلها هتسرقك وانا مسمحش ان حد يهني او يجرح كرامتي او يسمها بأي كلمه حتي لو حد كنت بشتغل عنده وراحت سيباهم وماشيه _ ايه ال انت هببته ده يا فارس ليه كده تهين البنت الغلبانه الل معملتش لينا أي حاجه دي بتجري علي اكل عيشها وابوها مريض وهي ال بتصرف عليه وعلي أخواتها كلهم وجايه علشان تاكل عيش واول ما جت عملت لنا احلي اكل وانا ال طلبت منها تطلع تروق اوضتك قبل ما تيجي انا هنزل الحقها قبل ما تمشي واقولها كلمتين اطيب خاطرها _اعملي ال انتي عايزاه يا ماما بس بعد كده ما تجيش تشتكي دول كلهم زي بعض مفيش حد فيهم يستاهل يتعمل معاه خير كلهم صنف واحد دي مش اول مره تقولي نفس الكلام وتطلع في الاخر حراميهنزلت عليا تحت تطيب خاطر حور وتشوف ال عمله فارس وتصلح معاها الكلام علشان متمشيش لقتها منهاره من العياط قالت لها متزعليش يا حور فارس ابني طيب والله وغلبان بس هو معزور لانه لسه مسورق منه لاب توب عليه حاجات مهمه وشغله كله من الشغاله فهو خايف بس انا معاكي ده مش مبرر لكلامه الجارح معاكي وانا بعتذر لك متزعليش حقك عليا انا =لاء عليا هانم انا مش هقبل اني اتهان تحت اي ظرف مش معني اني محتاجه الشغل ضروري اني اهقل اتهان ويتقال عليا حراميه من حد عمره ما اتعامل معايا و لا يعرفني انا سمعت حضرتك بتقوليله اني غير ال قبلي وهو حتي مفكرش يسمع حضرتك كان رده جاهز وبيقول اننا صنف واحد مع انه اول مره يشوفني ازاي يحكم عليا بسرعه كده من غير حتي ما يسمع من حضرتك عني اي حاجه _ يا حور قولتلك بلاش تزعلي منه موقف وعدى وخلاص مش هخليكي تتعاملي معاه تاني واكنه مش موجود معانا في البيت تجنبيه خالص ومش هخليكي تعمليله اي حاجه من حاجته ولا تدخلي اوضته ولا ليكي دعوه بيه وانا هطلب منه ميتعاملش معاكي خالص وكده ابقي رضيتك وده هيكون اعتزار ليكي ... _خلاص يا عليا هانم هوافق علشان حضرتك والله انا مش عايزكي تزعلي مني بعد ما جبتيني شغلتيني وحضرتك متعرفنيش ووثقتي فيا وانا هكون عند ثقت حضرتك وهشرفك يا عليا هانم ... =خلاص يا حور يلا ادخلي اغسلي وشك تجهزي الاكل انا جوعت من ريحته ولا مش عايزاني اكل ولا ايه ... نزل فارس تحت وكانت حور بتحط الاكل في الوقت ده علي السفر وكانت ريحه الاكل حلوه جدااا جدااا حطت حور الاكل علي السفر وبصت علي عليا هانم وقالت لها حضرتك عايزه حاجه تاني يا عليا هانم = لاء يا حور ادخلي كولي انتي كمان وتسلم ايدك شكل الاكل جميل قعدة عليا هانم زفاىس ياكلوا فارس قال لمامته ايه الاكل الجميل ده بقالي كتير مدقتش الطعم ده ردت عليا عليه ده اكل حور ال مكنتش عجباك .... حور كانت جوه بتاكل وهي سرحانه في فارس وطريقته معاها ليه واحد يحكم علي حد من غير ما يتعامل معاه شكله شايف نفسه علشان شكله حلو يعني ولا ايه وعينيها دمعت لما حست انها اقل من البنات ال في سنها وانها كانت ممكن تكون في مكانه تانيه لولا الظروف ال خلتها تنزل تشتغل علشان تصرف علي مرض ابوها وان أخواتها محتاجين فلوس علشان يعرفوا يعيشوا لقت صوت من وراها بيتكلم تسلم ايدك يا حور الاكل فعلا كان جميل لفت لقت عاليا هانم وراها وهي ال بتتكلم ... شكرا يا عليا هانم يا رب اكون مخيبتش ظن حضرتك =يا بنتي انا نظرتي في الناس متخيبش وعارفه انك طيبه وانسانه كويسه انتي لسه زعلانه من كلام فارس ابني والله انا مش هقولك هو طيب وغلبان والكلام ده بس انتي هتعرفي ده لوحدك لو اتعاملتي معاه ولو يا ستي مش عايزه تتكلمي معاه وتتجنبيه والله انا ما هزعل ده حقك بعد الكلام الل سمعتيه منه لقت فارس داخل عليهم وأيده علي كتف عليا هانم ايه يا ست الكل مفيش حاجه حلوه كده جمب النسكافيه بتاعي ولا ايه وعينه جت في عين حور وفضل سرحان في لون عينيها لمده كام ثانيه = ردت عاليا هانم عليه طب أطلع اوضتك دلوقتي يا فارس وأنا هجبلك طلبك بنفسي _ اوك يا ماما انا طلع دلوقتي ورايا شغل مهم المفروض اني كنت مخلصه علي الاب توب الل اتسرق وهعيده تاني ربنا يسامحك يالي عملتي فيا كده وراح ضحك وراح ماشي ........ يتبع

Free reading for new users

Scan code to download app

App Store Google Play

Facebookexpand_more